തൃശൂർ: കൗതുകമായി ഒരു ഭീമൻ തേൻവരിക്ക ചക്ക. തൃശൂർ ജില്ലയിലെ മുല്ലശേരി പഞ്ചായത്തിലെ പൂച്ചക്കുന്ന് ഗുരുമന്ദിരത്തിനു സമീപം ആർട്ടിസ്റ്റും യോഗാചാര്യനുമായ ഇലവന്തറ സിജിത്തിന്റെ വീട്ടുമുറ്റത്തെ പ്ളാവിലാണ് ഭീമൻ തേൻവരിക്ക ഉണ്ടായത്. ഒരു മീറ്റർ നീളമുള്ള ഈ ചക്കയുടെ ഭാരം 108 കിലോഗ്രാമാണ്.
25 വർഷം മുൻപ് നട്ട പ്ളാവിൽ 6 വർഷം മുൻപാണ് ചക്ക ഉണ്ടാകാൻ തുടങ്ങിയത്. ഓരോ സീസണിലും രണ്ടോ മൂന്നോ ചെറിയ ചക്കകളേ ഇതുവരെ ഉണ്ടായിരുന്നുള്ളൂ എന്ന് സിജിത്ത് പറഞ്ഞു. ഇതിനുമുൻപ് ക്വിന്റൽ കടന്ന ചക്ക ഉണ്ടായിട്ടില്ലെന്നാണു മുതിർന്ന കർഷകർ പറയുന്നത്.
Most Read: അഞ്ച് മണിക്കൂർ കൊണ്ട് കേരള മുഖ്യമന്ത്രിമാർ ‘കുപ്പിയിൽ’; റെക്കോർഡിട്ട് 21കാരി