കോഴിക്കോട്: സാമ്പത്തിക പ്രതിസന്ധി നേരിടുന്ന വനിതകൾക്കും, സ്വയം പര്യാപ്തത കൈവരിക്കാനുള്ള സംരഭങ്ങൾ ആരംഭിക്കുവാനും ജില്ലയിൽ കുടുംബശ്രീ വഴി ലഭ്യമാക്കിയത് 1106 കോടിയുടെ വായ്പ. മുഖ്യമന്ത്രിയുടെ സഹായഹസ്തം പദ്ധതി മുഖേന അനുവദിച്ച തുക അടക്കമാണിത്. 2016 മുതൽ കുടുബശ്രീ മൈക്രോ ഫിനാൻസ് വായ്പ നൽകുന്നതിൽ വൻ മുന്നേറ്റമാണ് നടത്തുന്നത്. ഇതിലൂടെ നൂറിലധികം സ്ത്രീ സംരംഭങ്ങളാണ് വിജയകരമായി മുന്നോട്ട് പോവുന്നത്.
Kerala News: ജലീലിനെതിരെ സംസ്ഥാന വ്യാപക പ്രതിഷേധം; സംഘർഷം
കുടുംബശ്രീയുടെ അയൽക്കൂട്ടങ്ങൾക്ക് മാത്രം വായ്പ ഇനത്തിൽ 750 കോടിയോളം രൂപ നൽകി. ജില്ലയിലെ 8150 അയൽക്കൂട്ടങ്ങൾക്ക് പദ്ധതിയുടെ പ്രയോജനം ലഭിച്ചു. പ്രളയത്തിന് ശേഷം സമാശ്വാസ പരിപാടിയിൽ ഉൾപ്പെടുത്തി
25 കോടി രൂപ പലിശ രഹിത വായ്പയായും നൽകി. കുറഞ്ഞ പലിശ നിരക്കിൽ ഇത്രയും അധികം വായ്പ ലഭ്യമാക്കിയത് വലിയ നേട്ടമാണെന്ന് ജില്ല മിഷൻ അധികൃതർ പറയുന്നു.
