ന്യൂഡൽഹി: രാജ്യത്ത് വീണ്ടും പിടിമുറുക്കി കോവിഡ്. കഴിഞ്ഞ 24 മണിക്കൂറിനിടെ 93,249 പേർക്കാണ് പുതുതായി രോഗം സ്ഥിരീകരിച്ചത്. 60,048 പേർ രോഗമുക്തി നേടി. 24 മണിക്കൂറിനിടെ 513 പേർക്കാണ് കോവിഡ് മൂലം ജീവൻ നഷ്ടമായത്. ഇതോടെ മരണസംഖ്യ 1,64,623 ആയി ഉയർന്നു.
1,24,85,509 പേർക്കാണ് രാജ്യത്ത് ഇതുവരെ കോവിഡ് സ്ഥിരീകരിച്ചത്. 1,16,29,289 പേർ രോഗമുക്തി നേടി. 6,91,597 പേരാണ് നിലവിൽ ചികിൽസയിലുള്ളത് എന്നും ആരോഗ്യ മന്ത്രാലയം അറിയിച്ചു. 7,59,79,651 പേരാണ് രാജ്യത്ത് ഇതുവരെ വാക്സിൻ സ്വീകരിച്ചത്. മഹാരാഷ്ട്ര, കർണാടക, ഛത്തീസ്ഗഢ്, ഡെൽഹി, തമിഴ്നാട്, ഉത്തർപ്രദേശ്, പഞ്ചാബ്, മധ്യപ്രദേശ് എന്നീ സംസ്ഥാനങ്ങളിൽ രോഗവ്യാപനം രൂക്ഷമാണ്.
രാജ്യത്ത് പുതുതായി സ്ഥിരീകരിക്കുന്ന 60 ശതമാനം കേസുകളും മഹാരാഷ്ട്രയിൽ നിന്നാണ്. രണ്ടു മാസത്തിനിടെ മഹാരാഷ്ട്രയിൽ ഒൻപത് മടങ്ങാണ് കോവിഡ് വ്യാപനം. ഇന്നലെ മാത്രം 49,447 കേസുകളും മരണവും മഹാരാഷ്ട്രയിൽ റിപ്പോർട് ചെയ്തു.
Also Read: ഉത്തരാഖണ്ഡിൽ എല്ലാ മാദ്ധ്യമ പ്രവർത്തകർക്കും കോവിഡ് വാക്സിൻ