അബുദാബി: കോവിഡുമായി ബന്ധപ്പെട്ട് വ്യാജവാര്‍ത്ത നല്‍കിയ മാദ്ധ്യമ പ്രവര്‍ത്തകന് അബുദാബിയില്‍ രണ്ടുവര്‍ഷത്തെ തടവ് ശിക്ഷ വിധിച്ച് കോടതി. ഒരു കുടുംബത്തിലെ 5 പേര്‍ കോവിഡ് ബാധിച്ച് മരിച്ചു എന്ന് വാര്‍ത്ത കെട്ടിച്ചമച്ച കേസിലാണ് വിധി. അഭിമുഖം നല്‍കിയ ആള്‍ക്കും തടവ് ശിക്ഷ ലഭിച്ചിട്ടുണ്ട്.
Read Also: വിജയ്‌യുടെ രാഷ്‌ട്രീയ പ്രവേശനം; പ്രചരിക്കുന്ന വാര്‍ത്തകള്‍ തെറ്റെന്ന് ഔദ്യോഗിക സ്‌ഥിരീകരണം
അബുദാബി സ്‌പോര്‍ട്‌സ് ചാനലിലെ റിപ്പോര്‍ട്ടര്‍ക്കാണ് ശിക്ഷ. ഒരു ഇമറാത്തി കുടുംബത്തിലെ അഞ്ചുപേര്‍ കോവിഡ് ബാധിച്ചു മരിച്ചു എന്ന് ഓഗസ്‌റ്റിലാണ് ചാനല്‍ വാര്‍ത്ത നല്‍കിയത്. ഈ വാര്‍ത്ത ഏറെ കോളിളക്കം സൃഷ്‌ടിക്കുകയും ചെയ്‌തിരുന്നു. എന്നാല്‍ വാര്‍ത്ത കെട്ടിച്ചമച്ചത് ആണെന്ന് പിന്നീട് അന്വേഷണത്തില്‍ തെളിയുകയായിരുന്നു. അബുദാബി അപ്പീല്‍ കോടതിയാണ് മാദ്ധ്യമ പ്രവര്‍ത്തകന് ശിക്ഷ വിധിച്ചത്.
