തൃശൂർ: ഗുരുവായൂർ ആനയോട്ട മൽസരത്തിൽ രവികൃഷ്ണൻ ഒന്നാമത്. രവികൃഷ്ണൻ, ദേവദാസ്, വിഷ്ണു എന്നീ ആനകളാണ് ആനയോട്ടത്തിൽ പങ്കെടുത്തത്. ഇതിൽ രവികൃഷ്ണൻ ഒന്നാമതും, വിഷ്ണു രണ്ടാമതും ഓടിയെത്തി. ആനയോട്ട മൽസരത്തിൽ വിജയിക്കുന്ന ആനയാണ് ഉൽസവ സമയത്ത് സ്വർണത്തിടമ്പ് എഴുന്നള്ളിക്കുന്നത്.
കോവിഡ് വ്യാപനം നിലനിൽക്കുന്നതിനാൽ 3 ആനകളെ മാത്രം പങ്കെടുപ്പിച്ച് ചടങ്ങുകൾ മാത്രമായാണ് ആനയോട്ടം നടത്തിയത്. നിരവധി ആളുകൾ ആനയോട്ട മൽസരം കാണാൻ എത്തിയെങ്കിലും സാധാരണ വർഷങ്ങളെ അപേക്ഷിച്ച് ആളുകൾ കുറവായിരുന്നു. കോവിഡ് നിയന്ത്രണങ്ങൾ നിലനിൽക്കുന്നതിനാലാണ് ഇത്തവണ ആനയോട്ട മൽസരം കാണാൻ ആളുകൾ കുറഞ്ഞത്.
Read also: നിലമ്പൂരിൽ ബക്കറ്റിലെ വെള്ളത്തിൽ വീണ് ഒരു വയസുകാരിക്ക് ദാരുണാന്ത്യം