തിരുവനന്തപുരം: ഫയര്ഫോഴ്സ് മേധാവി ബി സന്ധ്യക്ക് ഡിജിപിയായി സ്ഥാനക്കയറ്റം. നേരത്തെ എഡിജിപി റാങ്കിലായിരുന്നു ഇവർ. ഡിജിപി പദവി ലഭിച്ചെങ്കിലും ബി സന്ധ്യ ഫയര്ഫോഴ്സ് മേധാവിയായി തന്നെ തുടരും. സന്ധ്യക്ക് ഡിജിപി റാങ്ക് നൽകണമെന്ന് ആവശ്യപ്പെട്ട് ഡിജിപി അനിൽകാന്ത് സർക്കാരിന് കത്ത് നൽകിയിരുന്നു. പോലീസ് മേധാവി നിയമനത്തിൽ സീനിയോറിറ്റി മറികടന്നുവെന്ന ആക്ഷേപം ഉയർന്ന സാഹചര്യത്തിൽ ആയിരുന്നു ഇത്.
എഡിജിപിയായിരുന്ന അനിൽകാന്തിനെ പുതുതായി ഡിജിപി പദവി നൽകിയാണ് സംസ്ഥാന പോലീസ് മേധാവിയായി നിയമിച്ചത്. സന്ധ്യക്ക് ലഭിക്കേണ്ട ഡിജിപി റാങ്കാണ് അനില്കാന്തിന് നൽകിയത് എന്നായിരുന്നു പ്രധാന ആക്ഷേപം. ഇതോടെ ജൂനിയറായ അനില്കാന്തിന് ഡിജിപി റാങ്കും സീനിയറായ സന്ധ്യക്ക് എഡിജിപി റാങ്കും എന്ന സ്ഥിതിയായി. സുദേഷ് കുമാർ, ബി സന്ധ്യ എന്നിവർ ഡിജിപി അനിൽകാന്തിനെക്കാൾ സീനിയറായിരുന്നു.
Read Also: ബീഫുമായി ബന്ധപ്പെട്ട ആള്ക്കൂട്ട ആക്രമണം; ബിജെപി മാപ്പ് പറയണമെന്ന് ശിവസേന