ന്യൂഡെൽഹി: ഈ മാസം ആരംഭിക്കുന്ന ബീഹാർ തിരഞ്ഞെടുപ്പിൽ 70 സീറ്റുകളിൽ ആർജെഡി സഖ്യവുമായി ചേർന്ന് മത്സരിക്കുമെന്ന് ഉറപ്പായതോടെ കോൺഗ്രസ് മുന്നൊരുക്കങ്ങൾ തുടങ്ങി. ഇതിന്റെ ഭാഗമായി പ്രവർത്തനം ഏകോപിപ്പിക്കാൻ 6 പുതിയ പാനലുകൾ രൂപീകരിച്ച തീരുമാനം കോൺഗ്രസ് അദ്ധ്യക്ഷ സോണിയ ഗാന്ധി ഇന്നലെ അംഗീകരിച്ചു.
മുഖ്യമന്ത്രി നിതീഷ് കുമാറിന്റെ ജെഡിയുവും ബിജെപിയുമാണ് മറുഭാഗത്ത്. പ്രതിപക്ഷ പാർട്ടികളുടെ മഹാസഖ്യത്തെയാവും ഇവർക്ക് നേരിടേണ്ടി വരിക. ഒക്‌ടോബർ 28-നാണ് ആദ്യഘട്ട പോളിങ് ബീഹാറിൽ നടക്കുന്നത്.
തിരഞ്ഞെടുപ്പ് പ്രവർത്തനങ്ങളുടെ നടത്തിപ്പിനും ഏകോപനത്തിനും ഉള്ള കമ്മിറ്റി, പ്രചരണം, മാദ്ധ്യമ വിഭാഗം, പൊതുകാര്യങ്ങൾ, നിയമപരമായ ആവശ്യങ്ങൾക്കുള്ള സമിതി എന്നിവയാണ് രൂപീകരിച്ചത്. രാഹുൽ ഗാന്ധിയുമായി അടുപ്പമുള്ള നേതാക്കൾക്കാണ് പരിഗണന നൽകിയിട്ടുള്ളത് എന്ന കാര്യം ശ്രദ്ധേയമാണ്.
രാഹുലിന്റെ പ്രവർത്തനങ്ങളിൽ കോൺഗ്രസ് അർപ്പിക്കുന്ന വിശ്വാസമാണ് പ്രകടമാകുന്നതെന്ന് വിലയിരുത്തലുണ്ട്. രൺദീപ് സുർജൻ വാല, മോഹൻ പ്രകാശ്, സഞ്ജയ്‌ നിരുപം, ജയ മിശ്ര തുടങ്ങിയവർ വിവിധ കമ്മിറ്റികളിൽ സ്‌ഥാനം വഹിക്കുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
