കണ്ണൂര്‍: മയ്യില്‍ സ്‌റ്റെപ് റോഡില്‍ വര്‍ക്ക് ഷോപ്പില്‍ നിര്‍ത്തിയിട്ട വാഹനം അജ്‌ഞാതര്‍ അടിച്ചു തകര്‍ത്തു. ഐറിസ് കാര്‍ കെയര്‍ എന്ന സ്‌ഥാപനത്തിലെ വാഹനമാണ് ആക്രമണത്തിന് ഇരയായത്. ഇന്നലെ വൈകുന്നേരം 6 മണിക്ക് കട അടച്ചതിന് ശേഷമാണ് സംഭവം നടന്നത്.
സ്‌ഥാപനത്തിന് പുറത്ത് നിര്‍ത്തിയിട്ടിരുന്ന ഹ്യുണ്ടായ് ആക്‌സന്റ് KL/AT/3798 നമ്പര്‍ കാറിന്റെ പുറകിലെ ഗ്ളാസ് പൂര്‍ണമായും അടിച്ചു തകര്‍ത്തിട്ടുണ്ട്. അതിക്രമത്തിന് പിന്നിലെ കാരണം വ്യക്‌തമല്ല. പരാതിയെ തുടര്‍ന്ന് മയ്യില്‍ പൊലീസ് കേസ് രജിസ്‌റ്റര്‍ ചെയ്‌ത് അന്വേഷണം ആരംഭിച്ചിട്ടുണ്ട്.
പരിയാരം സ്വദേശി കെ സന്തോഷ് കുമാറിന്റെ ഉടമസ്‌ഥതയില്‍ കഴിഞ്ഞ 5 വര്‍ഷത്തോളമായി പ്രവര്‍ത്തിക്കുന്ന സ്‌ഥാപനമാണ് ഐറിസ് കാര്‍ കെയര്‍. വ്യാപാരി വ്യവസായി സമിതി കണ്ണാടിപറമ്പ് യൂണിറ്റ് അംഗം കൂടിയാണ് കെ സന്തോഷ് കുമാര്‍.
Malabar News: നിയന്ത്രണം വിട്ട കാർ ട്രാൻസ്‌ഫോർമറിൽ ഇടിച്ച് കത്തിനശിച്ചു; ഒരാൾക്ക് ഗുരുതര പരിക്ക്
