ന്യൂഡെൽഹി: ജാമിയ മിലിയ ഇസ്‌ലാമിയ സർവകലാശാലയിൽ പ്രകോപനപരമായ പ്രസംഗം നടത്തിയെന്ന കേസിൽ മുന്‍ ജെഎന്‍യു വിദ്യാർഥി ഷർജീൽ ഇമാമിന് ഡെൽഹി കോടതി ജാമ്യം അനുവദിച്ചു. 2019 ഡിസംബറിൽ സർവകലാശാലക്ക് പുറത്തുണ്ടായ അക്രമ സംഭവങ്ങൾക്ക് കാരണം ഷർജീൽ ഇമാമിന്റെ പ്രകോപനപരമായ പ്രസംഗം ആണെന്നാണ് പോലീസ് വാദം.
രാജ്യദ്രോഹം, വിദ്വേഷം ജനിപ്പിക്കൽ തുടങ്ങിയ വകുപ്പുകൾ പ്രകാരം 2020 ജനുവരി 25നാണ് ഡെൽഹി പോലീസ് അദ്ദേഹത്തിനെതിരെ എഫ്ഐആർ രജിസ്‌റ്റർ ചെയ്‌തത്‌. തുടർന്ന് 2020 ജനുവരി 28ന് ബിഹാറിലെ ജഹാനാബാദിൽ നിന്ന് ഷർജീൽ ഇമാമിനെ അറസ്‌റ്റ് ചെയ്‌തു.
താന്‍ ഒരു തീവ്രവാദിയല്ലെന്ന് 2021 ഒക്‌ടോബറിൽ ജാമ്യാപേക്ഷ പരിഗണിക്കവെ ഷർജീൽ ഇമാം കോടതിയിൽ പറഞ്ഞിരുന്നു. താന്‍ ഇപ്പോള്‍ നേരിട്ട് കൊണ്ടിരിക്കുന്ന വിചാരണ രാജഭരണത്തിന്റെ പ്രഹരമാണെന്നും നിയമ സംവിധാനത്തിലുള്ള ഒരു ജനാധിപത്യ സർക്കാരിന് ഇത്തരത്തിൽ പ്രവർത്തിക്കാൻ സാധിക്കില്ലെന്നും അദ്ദേഹം കോടതിയില്‍ പറഞ്ഞിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
