മലപ്പുറം: ജാതി-മത ചിന്തകൾക്ക് അതീതമായി നിർധനരായ രോഗികൾക്ക് സഹായധനം എത്തിക്കുന്ന കേരള മുസ്ലിം ജമാഅത്തിന്റെ പ്രവർത്തനം മാതൃകാപരമാണെന്ന് വഖഫ് ബോർഡ് ചെയർമാൻ അഡ്വ. എംകെ സക്കീർ.
കാൻസർ, കിഡ്നി രോഗികൾക്ക് കേരള മുസ്ലിം ജമാഅത്ത് നൽകുന്ന ചികിൽസാ ധനസഹായം വിതരണം ചെയ്തു പ്രസംഗിക്കുകയായിരുന്നു ഇദ്ദേഹം. ജില്ലാ സാമൂഹ്യ ക്ഷേമ വിഭാഗത്തിന്റെ കീഴിലുള്ള ഹെൽപ്പ് ആന്റ് ക്വാളിറ്റി കെയർ ഫൗണ്ടേഷൻ നടത്തി വരുന്ന സാന്ത്വന പ്രവർത്തനങ്ങളുടെ ഭാഗമായാണ് ഈ സഹായധന വിതരണം നടന്നത്.
കോട്ടക്കൽ ബൈപ്പാസ് റോഡിൽ സജ്ജമാക്കിയ താജുൽ ഉലമ നഗരിയിൽ നടന്ന പരിപാടിയിൽ ജില്ലാ ഉപാധ്യക്ഷൻ വടശ്ശേരി ഹസൻ മുസ്ലിയാർ അധ്യക്ഷത വഹിച്ചു. സംസ്ഥാന ഹജ്ജ് കമ്മിറ്റി ചെയർമാൻ സി മുഹമ്മദ് ഫൈസി, ന്യൂനപക്ഷ ധനകാര്യ വികസന കോർപ്പറേഷൻ ഡയറക്ടർ കെടി അബ്ദുറഹ്മാൻ, സയ്യിദ് ജലാലുദ്ധീൻ ജീലാനി, മുഹമ്മദ് ഹാജി മുന്നിയൂർ തുടങ്ങിയ സംഘടനാ നേതാക്കൾ പങ്കെടുത്തു.
KERALA | ദുരിതാശ്വാസ നിധി ഫണ്ട് വകമാറ്റിയ കേസ്; ലോകായുക്ത വിധി വരുന്നു