കോഴിക്കോട്: ജില്ലയിലെ നാദാപുരത്ത് ചെമ്മീൻ കറി കഴിച്ചതിന് പിന്നാലെ വീട്ടമ്മ മരിച്ച സംഭവത്തിൽ ആന്തരികാവയവങ്ങൾ രാസപരിശോധനക്കായി അയച്ചു. ഭക്ഷ്യവിഷബാധ ഉണ്ടായിട്ടുണ്ടോ എന്ന കാര്യത്തിൽ സ്‌ഥിരീകരണം നടത്താൻ വേണ്ടിയാണ് ഇപ്പോൾ ആന്തരികാവയവങ്ങൾ രാസപരിശോധനക്ക് അയച്ചത്.
പോസ്‌റ്റുമോർട്ടം നടത്തിയ ഡോക്‌ടർ നൽകിയ പ്രാഥമിക വിവരം അനുസരിച്ച് ഹൃദയസ്‌തംഭനമാണ് മരണകാരണം. കൂടാതെ ആമാശയത്തിൽ അണുബാധ ഉണ്ടായതായും സംശയിക്കുന്നുണ്ട്. രാസപരിശോധന നടത്തുന്നതിലൂടെ മാത്രമേ ഇക്കാര്യം വ്യക്‌തമാകുകയുള്ളൂ.
ഇന്നലെ പുലർച്ചയോടെയാണ് നാദാപുരം ചിയ്യൂരിൽ സുലൈഖ(44) മരിച്ചത്. ചെമ്മീൻ കറി കഴിച്ചതിനെ തുടർന്ന് ഉണ്ടായ ഭക്ഷ്യവിഷബാധയാണ് മരണത്തിന് കാരണം എന്നാണ് സംശയിക്കുന്നത്. തുടർന്ന് നടത്തിയ പരിശോധനയിൽ ജില്ലയിലെ കല്ലാച്ചി മൽസ്യ മാർക്കറ്റ് രണ്ട് ദിവസത്തേക്ക് അടപ്പിക്കുകയും ചെയ്‌തു.
Read also: കെവി ശശികുമാറിനെതിരായ പോക്‌സോ കേസ്; ഉടൻ നടപടിയെന്ന് വനിതാ കമ്മീഷൻ
