ഗുരുഗ്രാം: സംസ്ഥാനത്തെ കോവിഡ് വ്യാപനം കുറയാത്ത സാഹചര്യത്തിൽ ഏർപ്പെടുത്തിയ ലോക്ക്ഡൗൺ ജൂൺ 7 വരെ നീട്ടിയതായി ഹരിയാന സർക്കാർ അറിയിച്ചു. ഹരിയാന മുഖ്യമന്ത്രി മനോഹർ ലാൽ ഖട്ടറാണ് ഇത് പ്രഖ്യാപിച്ചത്. നേരത്തെ ലോക്ക്ഡൗണിന്റെ ഭാഗമായി സംസ്ഥാനത്ത് ഏർപ്പെടുത്തിയിരുന്ന നിയന്ത്രണങ്ങൾക്ക് പകരം പുതിയ മാർഗനിർദേശങ്ങളും മുഖ്യമന്ത്രി പ്രഖ്യാപിച്ചു.
രാവിലെ 9 മുതൽ ഉച്ചക്ക് മൂന്ന് മണി വരെ മാത്രമേ കടകൾ പ്രവർത്തിക്കാൻ പാടുള്ളൂ. വിദ്യാഭ്യാസ സ്ഥാപനങ്ങൾ ജൂൺ 15 വരെ അടച്ചിടും. രാത്രി 10 മുതൽ രാവിലെ 5 വരെ കർഫ്യു തുടരും. ഇത് നാലാം തവണയാണ് ഹരിയാനയിൽ ലോക്ക്ഡൗൺ നീട്ടുന്നത്. മെയ് 3ന് ഏർപ്പെടുത്തിയ ലോക്ക്ഡൗൺ പലപ്പോഴായി നീട്ടുകയായിരുന്നു.
Read Also: രാജ്യം ഇപ്പോൾ 10 മടങ്ങ് കൂടുതൽ മെഡിക്കൽ ഓക്സിജൻ ഉൽപാദിപ്പിക്കുന്നു; പ്രധാനമന്ത്രി