ലഖ്‌നൗ: അധികാരത്തിൽ ഇരുന്നപ്പോള്‍ തനിക്കുവേണ്ടി ഒന്നും ചെയ്യാത്തവരെ ‘ഭഗവാന്‍ ശ്രീകൃഷ്‌ണൻ’ ശപിക്കുന്നുണ്ടാകുമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. എസ്‌പി നേതാവും മുന്‍ മുഖ്യമന്ത്രിയുമായ അഖിലേഷ് യാദവിനെ പരോക്ഷമായി പരാമർശിച്ചായിരുന്നു ആദിത്യനാഥിന്റെ പ്രസ്‌താവന.
താന്‍ മുഖ്യമന്ത്രിയാകുമെന്ന് ഭഗവാന്‍ സ്വപ്‌നത്തിലെത്തി പറഞ്ഞുവെന്ന അഖിലേഷിന്റെ കഴിഞ്ഞ ദിവസത്തെ പ്രസ്‌താവനക്ക് മറുപടി പറയുകയായിരുന്നു ആദിത്യനാഥ്. “ചിലരുടെ സ്വപ്‌നത്തില്‍ വന്ന് നിങ്ങളുടെ പരാജയമോര്‍ത്ത് കരയാന്‍ ഭഗവാന്‍ കൃഷ്‌ണൻ പറഞ്ഞിട്ടുണ്ടാകും. നിങ്ങള്‍ക്ക് ചെയ്യാന്‍ സാധിക്കാതിരുന്നത് ബിജെപി സര്‍ക്കാര്‍ ചെയ്‌തു. അധികാരത്തിലിരുന്നപ്പോള്‍ മധുരക്കും വൃന്ദാവനും വേണ്ടി ഒന്നും ചെയ്യാതിരുന്നതിന് അവരെ ഭഗവാന്‍ കൃഷ്‌ണൻ ശപിച്ചിട്ടുമുണ്ടാകും,”- ആദിത്യനാഥ് പറഞ്ഞു.
‘നിങ്ങള്‍ ഉത്തര്‍പ്രദേശില്‍ സര്‍ക്കാര്‍ രൂപവൽക്കരിക്കുമെന്ന്’ കഴിഞ്ഞ രാത്രിയില്‍ ഭഗവാന്‍ കൃഷ്‌ണൻ തന്റെ സ്വപ്‌നത്തിലെത്തി പറഞ്ഞു എന്നായിരുന്നു അഖിലേഷ് യാദവിന്റെ പരമാര്‍ശം. കൃഷ്‌ണൻ എല്ലാ ദിവസവും തന്റെ സ്വപ്‌നത്തിൽ എത്താറുണ്ടെന്നും അഖിലേഷ് യാദവ് പറഞ്ഞിരുന്നു.
कुछ लोगों के सपने में भगवान श्रीकृष्ण आ रहे हैं… pic.twitter.com/YipD5nw3eA
— Yogi Adityanath (@myogiadityanath) January 4, 2022
Most Read: പദ്ധതിക്കായി ജനങ്ങളെ ഉപദ്രവിക്കുക എന്നതല്ല സർക്കാർ നയം; മുഖ്യമന്ത്രി
