ഉരുള്പൊട്ടലിന്റെ ഭീകരത പറയാൻ ഒരുങ്ങുന്ന ഫഹദിന്റെ ‘മലയൻകുഞ്ഞ് സിനിമയുടെ മേക്കിങ് വീഡിയോ പുറത്ത്. 40 അടി താഴ്ചയിലാണ് രണ്ടാം പകുതിയിൽ സിനിമ നടക്കുന്നതെന്ന് അണിയറക്കാർ പറഞ്ഞിരുന്നു. ഇതിന്റെ വീഡിയോയാണ് ഇപ്പോൾ പുറത്തു വന്നിരിക്കുന്നത്.
അതിജീവനം പ്രമേയമായി ഒരുക്കിയിരിക്കുന്ന ഈ ചിത്രത്തിന്റെ സംവിധായകൻ നവാഗതനായ സജിമോൻ ആണ്. മഹേഷ് നാരായണൻ, വൈശാഖ്, വികെ പ്രകാശ് എന്നിവരുടെ അസോഷ്യേറ്റ് ആയി ഇദ്ദേഹം പ്രവർത്തിച്ചിട്ടുണ്ട്. എആർ റഹ്മാൻ ആണ് ചിത്രത്തിന് സംഗീതം നൽകുന്നത്. സിനിമ ജൂലൈ 22ന് തിയേറ്ററുകളിലെത്തും.
ഫാസിൽ ആണ് നിർമാണം. 18 വർഷങ്ങൾക്കു ശേഷം അച്ഛനും മകനും വെള്ളിത്തിരയിൽ വീണ്ടും കൈ കോർക്കുന്ന ചിത്രം കൂടിയാണ് ‘മലയൻ കുഞ്ഞ്’. മഹേഷ് നാരായണനാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. കൂടാതെ ഛായാഗ്രഹണവും നിർവഹിച്ചിരിക്കുന്നതും ഇദ്ദേഹമാണ്. രജിഷ വിജയൻ, ഇന്ദ്രൻസ്, ജാഫർ ഇടുക്കി എന്നിവരാണ് ചിത്രത്തിലെ മറ്റ് താരങ്ങള്.
Most Read: എൻഡിഎ ഭരണത്തിൽ രൂപയുടെ മൂല്യം ഇടിഞ്ഞത് 25 ശതമാനം