മലപ്പുറം: ഉഗ്രസ്‌ഫോടന ശേഷിയുള്ള സ്‌ഫോടക വസ്‌തുക്കളുമായി കൊല്ലം സ്വദേശി പെരുമ്പടപ്പിൽ അറസ്‌റ്റിൽ. ഏറെക്കാലമായി പെരുമ്പടപ്പ് അയിരൂർ കുണ്ടുച്ചിറയിൽ താമസിക്കുന്ന കൊല്ലം എഴുകോൺ സ്വദേശി വഴങ്ങിൽ ഗണേശനെയാണ്‌ (30) പോലീസ് പിടികൂടിയത്. ക്രിമിനൽ കേസുകളിൽ പ്രതിയായ ഇയാൾ ഒരു മാസം മുമ്പാണ് ജയിലിൽനിന്ന്‌ പുറത്തിറങ്ങിയത്.
ഗണേശന്റെ വീട്ടിലെ കട്ടിലിനടിയിൽ സൂക്ഷിച്ച അഞ്ച് ജലാസ്‌റ്റിൻ സ്‌റ്റിക്കുകളും 14 ഇലക്‌ട്രിക് ഡിറ്റനേറ്ററും പോലീസ് പിടിച്ചെടുത്തു. രഹസ്യവിവരത്തെ തുടർന്നാണ് ഗണേശന്റെ വീട്ടിൽ കഴിഞ്ഞ ദിവസം പോലീസ് പരിശോധന നടത്തിയത്.
ഇടുക്കി കട്ടപ്പന ഉദയഗിരിയിൽ ജെസിബി ഡ്രൈവറാണ് ഗണേശനെന്ന് പോലീസ് പറഞ്ഞു. വീട്ടിൽ നിന്നും പിടിച്ചെടുത്തവ പാറമടയിലേക്കുള്ള സ്‌ഫോടക വസ്‌തുക്കളാണെന്നും മീൻ പിടിക്കുന്നതിനായി സുഹൃത്തുക്കൾ പറഞ്ഞതു പ്രകാരം ആറു വർഷം മുമ്പ് കൊണ്ടുവന്നതാണ് ഇവയെന്നുമാണ് പ്രതി പോലീസിനോട് പറഞ്ഞത്.
അതേസമയം അനുമതിയില്ലാതെ സ്‌ഫോടക വസ്‌തുക്കൾ സൂക്ഷിച്ചതിന് സ്‌ഫോടകവസ്‌തു നിരോധിത നിയമ പ്രകാരമാണ് ഗണേശനെതിരെ കേസെടുത്തത്. സംഭവത്തിൽ അന്വേഷണം പുരോഗമിക്കുകയാണെന്നും പോലീസ് വ്യക്‌തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
