കുവൈറ്റ് സിറ്റി: 2020 ജനുവരിക്ക് മുൻപ് ഇഖാമ കാലാവധി കഴിഞ്ഞവർക്ക് പിഴയടച്ച് വിസ സ്റ്റാറ്റസ് നിയമ വിധേയമാക്കാൻ ഒരു മാസത്തെ കാലാവധി നൽകിയിട്ടും അപ്പോയ്ന്റ്മെന്റ് എടുത്തത് ചുരുക്കം ആളുകൾ മാത്രം. ഡിസംബർ 1 മുതൽ ഇതുവരെ 2,300 പേർ മാത്രമാണ് അപ്പോയ്ന്റ്മെന്റ് എടുത്തത്. ഇതിൽ തന്നെ 400 പേർ മാത്രമാണ് നടപടിക്രമങ്ങൾ പൂർത്തിയാക്കി ഇഖാമ നിയമ വിധേയമാക്കിയത്. ബാക്കിയുള്ളവർ വരാതിരിക്കുകയോ തീയതി മാറ്റിചോദിക്കുകയോ ചെയ്തു.
ഡിസംബർ 1 മുതൽ 31 വരെയാണ് പിഴയടച്ച് ഇഖാമ നിയമ വിധേയമാക്കുവാനുള്ള അവസരമുള്ളത്. ഈ അവസരം ഉപയോഗപ്പെടുത്തിയില്ലെങ്കിൽ പിന്നീട് നാടുവിടുകയല്ലാതെ വേറെ മാർഗമില്ല. അടുത്തമാസം മുതൽ താമസ നിയമ ലംഘകരെ പിടികൂടാൻ വ്യാപക പരിശോധന നടത്തുമെന്ന് അധികൃതർ മുന്നറിയിപ്പ് നൽകിയിട്ടുണ്ട്.
Read also: സൗദിയിൽ വിനോദ പരിപാടികൾ ജനുവരിയിൽ വീണ്ടും ആരംഭിക്കും