കോഴിക്കോട്: പോപ്പുലർ ഫ്രണ്ട് മതത്തെ ദുർവ്യാഖ്യാനം ചെയ്ത സംഘടനയാണെന്നും ഇത്തരം സംഘടനകളെ എതിർക്കേണ്ടത് സമുദായത്തിൽ നിന്നു തന്നെ ആണെന്നും നിരോധനത്തെ സ്വാഗതം ചെയ്ത് സംസാരിക്കവേ മുസ്ലിം ലീഗ് നേതാവും എംഎൽഎയുമായ എംകെ.മുനീർ.
സെക്കുലര് ശക്തികളുടെ കൂടെ ഒരുമിച്ച് നിന്നാല് മാത്രമേ ഫാസിസത്തെ നേരിടാന് പറ്റൂ എന്ന് സമൂഹം തിരിച്ചറിയണം. ബിജെപി അല്ലെങ്കില് ആർഎസ്എസ് എന്ന് പറയുന്ന വിപത്തിനെയും നേരിടേണ്ടതുണ്ടെന്നും എംകെ മുനീർ പറഞ്ഞു. പണ്ട് ആര്എസ്എസും നിരോധിക്കപ്പെട്ടിരുന്നു. പക്ഷേ കൂടുതല് ഊര്ജസ്വലതയോടെ അവര് തിരികെവന്നു. അതുകൊണ്ട്, ഈ വിഷയത്തെ ആശയപരമായി നേരിടുകയും വേരോടുകൂടി പിഴുതെറിയുകയും ചെയ്യണം എന്നും എംകെ മുനീര് പ്രതികരിച്ചു.
പോപ്പുലർ ഫ്രണ്ട് ഓഫ് ഇന്ത്യയുടെ ആശയങ്ങളിലും രീതികളിലും തെറ്റിദ്ധരിക്കപ്പെട്ട യുവാക്കൾ കാര്യങ്ങൾ മനസിലാക്കണം. തിരുത്തൽ വരുത്തണമെന്നും എംകെ മുനീർ പറഞ്ഞു. വാളെടുക്കണമെന്ന് പറയുന്നവര് ഏത് ഇസ്ലാമിന്റെ ആളുകളാണെന്നും നിരോധനം കൊണ്ട് തീരാത്ത പ്രശ്നമാണ് പോപ്പുലർ ഫ്രണ്ടെന്നും ഇദ്ദേഹം ആവർത്തിച്ചു.
Popular Front: ബന്ധപ്പെട്ട മറ്റു വാർത്തകൾ ഈലിങ്കിൽ വായിക്കാം