ഇടുക്കി: സംസ്‌ഥാനത്ത് ചൂട് കൂടിയതോടെ വൈദ്യുതി ഉപയോഗവും വർധിക്കുന്നു. മാർച്ച്‌ 15ന് വൈദ്യുതി ഉപയോഗം സർവകാല റെക്കോർഡിലേക്ക് എത്തി. 89.62 ദശലക്ഷം യൂണിറ്റ് വരെയാണ് ഉപയോഗം എത്തിയത്. കഴിഞ്ഞ വർഷം മാർച്ചിൽ ഇത് 88.42 ദശലക്ഷം യൂണിറ്റ് ആയിരുന്നു. ഈ കണക്കാണ് മറികടന്നത്.
വേനൽ മഴ കാര്യമായി ലഭിച്ചില്ലെങ്കിൽ മാർച്ചിൽ തന്നെ ഉപയോഗം 90 ദശലക്ഷം യൂണിറ്റിന് മുകളിൽ എത്തുമെന്നാണ് കണക്കുകൂട്ടുന്നത്. നിലവിലെ സാഹചര്യത്തിൽ വൈദ്യുതി വാങ്ങുന്നത് കൂടുകയാണ്. 60 ദശലക്ഷം യൂണിറ്റ് വൈദ്യുതിയോളം ഇപ്പോൾ പുറത്ത് നിന്ന് വാങ്ങുന്നുണ്ടെന്നാണ് കെഎസ്ഇബി നൽകുന്ന വിവരം.
23 ദശലക്ഷം യൂണിറ്റാണ് കേരളത്തിൽ ഇപ്പോൾ ഉൽപാദിപ്പിക്കുന്നത്. ഇടുക്കി, ശബരിഗിരി എന്നിവിടങ്ങളിൽ നിന്നാണ് ഏറ്റവും കൂടുതൽ വൈദ്യുതി ഉൽപാദിപ്പിച്ചത്. ചൂട് കൂടിയതോടെ ചെറുകിട പദ്ധതികളിൽ പലതിലും ഉൽപാദനം കുറഞ്ഞിട്ടുമുണ്ട്. പരീക്ഷകാലം അടുത്തതോടെ വൈദ്യുതി ഉപയോഗം ഇനിയും കൂടുമെന്നാണ് വിലയിരുത്തൽ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
