ന്യൂഡെല്ഹി: അസമിലും ഉത്തര്പ്രദേശിലും നടപ്പാക്കാൻ തീരുമാനിച്ച ജനസംഖ്യാ നിയന്ത്രണ നയം ഉത്തരാഖണ്ഡിലും നടപ്പാക്കണമെന്ന് ബിജെപിയോട് ആര്എസ്എസ്. അടുത്തിടെ ചേര്ന്ന ബിജെപി- ആര്എസ്എസ് യോഗത്തിലാണ് ഇക്കാര്യം ആവശ്യപ്പെട്ടത്. സംസ്ഥാനത്ത് മുസ്ലിങ്ങളുടെ ജനസംഖ്യാ ബാലന്സ് ഉറപ്പുവരുത്തണമെന്നാണ് നിർദ്ദേശം.
ഉത്തരാഖണ്ഡിലെ മുസ്ലിം ഭൂരിപക്ഷമുള്ള പ്രദേശങ്ങളായ ഡെറാഡൂണ്, ഹരിദ്വാര്, ഉദംസിംഗ് നഗര്, നൈനിറ്റാള് എന്നിവിടങ്ങളില് ജനസംഖ്യ വര്ധിക്കുന്നുവെന്ന് ആര്എസ്എസ് വിലയിരുത്തി. ഇത്തരം സ്ഥലങ്ങള് കണ്ടെത്തി ഉചിതമായ നടപടി സ്വീകരിക്കണമെന്നും ആര്എസ്എസ് ആവശ്യപ്പെട്ടു.
രണ്ടിലധികം കുട്ടികളുള്ള കുടുംബങ്ങളെ സര്ക്കാര് ആനുകൂല്യങ്ങളും ജോലിയും ലഭിക്കുന്നതില് നിന്നും വിലക്കാനുള്ള വ്യവസ്ഥയാണ് യുപിയിലെ ബിജെപി സര്ക്കാരിന്റെ ജനസംഖ്യ നിയന്ത്രണ കരട് ബില്ലിലുള്ളത്. തിരഞ്ഞെടുപ്പിൽ മൽസരിക്കാൻ സാധിക്കില്ലെന്നും നിലവിൽ സർക്കാർ ജോലി ഉള്ള വ്യക്തി ആണെങ്കിൽ സ്ഥാനക്കയറ്റം നിഷേധിക്കുമെന്നും കരട് ബില്ലിൽ വ്യക്തമാക്കുന്നു.
രണ്ടില് കൂടുതല് കുട്ടികളുള്ളവര്ക്ക് ആനുകൂല്യങ്ങള് നിഷേധിച്ചും ജനസംഖ്യ നിയന്ത്രണ ചട്ടങ്ങള് പാലിക്കുന്നവര്ക്ക് പ്രത്യേക ആനുകൂല്യങ്ങള് പ്രഖ്യാപിച്ചുമാണ് ജനസംഖ്യ ബില്. അസമിലും സമാനമായ നയം നേരത്തെ നടപ്പാക്കിയിരുന്നു. മുസ്ലിങ്ങള്ക്ക് ക്ഷേമപദ്ധതികള് ലഭിക്കാന് രണ്ടുകുട്ടികളില് കൂടരുതെന്ന നിയമവും വിവാദം സൃഷ്ടിച്ചിരുന്നു.
Read also: ഉന്നാവ് വാഹനാപകടം; കുല്ദീപ് സിംഗ് സെൻഗാറിന് പങ്കില്ലെന്ന് കോടതി