കോഴിക്കോട്: കണ്ണൂരും കോഴിക്കോടും യാത്രക്കാരെ വലച്ചു സ്വകാര്യ ബസുകളുടെ മിന്നൽ പണിമുടക്ക്. വിദ്യാർഥികളുടെ പരാതി പ്രകാരം ബസ് ജീവനക്കാരനെ പോക്‌സോ വകുപ്പ് പ്രകാരം അറസ്‌റ്റ് ചെയ്‌തതിനാണ് പ്രതിഷേധം. തലശേരി, പാനൂർ, കൂത്തുപറമ്പ് മേഖലകളിലാണ് പണിമുടക്ക്. ഏതാണ്ട് 15-ലധികം റൂട്ടുകളിലാണ് മിന്നൽ പണിമുടക്ക് നടക്കുന്നത്.
കഴിഞ്ഞ ദിവസം കരിയാട്-തലശേരി റൂട്ടിലോടുന്ന ബസിലെ കണ്ടക്‌ടർക്കെതിരെ രണ്ടു വിദ്യാർഥികളുടെ പരാതിയുടെ അടിസ്‌ഥാനത്തിൽ പോക്‌സോ പ്രകാരം കേസെടുത്തിരുന്നു. വിദ്യാർഥികളെ തുടർച്ചയായി ഉപദ്രവിച്ചു എന്ന രീതിയിലാണ് പരാതി. ഇയാളെ പോലീസ് അറസ്‌റ്റ് ചെയ്‌ത്‌ റിമാൻഡ് ചെയ്‌തിരുന്നു. എന്നാൽ, കേസ് കെട്ടിച്ചമച്ചതാണെന്നും, അകാരണമായ അറസ്‌റ്റാണെന്നുമാണ് ബസ് ജീവനക്കാരുടെ പ്രതികരണം.
കോഴിക്കോട്ടും സ്വകാര്യ ബസ് തൊഴിലാളികൾ പണിമുടക്കുകയാണ്. തലശേരി-തൊട്ടിൽപ്പാലം, കോഴിക്കോട്- തലശേരി, കോഴിക്കോട്, കണ്ണൂർ, കോഴിക്കോട്-വടകര റൂട്ടുകളിലാണ് മിന്നൽ പണിമുടക്ക്. തലശേരിയിൽ ബസ് കണ്ടക്‌ടറെ പോക്‌സോ പ്രകാരം അറസ്‌റ്റ് ചെയ്‌തതിൽ പ്രതിഷേധിച്ചാണ് കോഴിക്കോടും ബസ് പണിമുടക്ക് നടക്കുന്നത്. അതിനിടെ, തൃശൂരിൽ വിദ്യാർഥിയെ ബസിൽ നിന്നും ഇറക്കിവിട്ട സംഭവത്തിൽ ബസ് ജീവനക്കാരെ അറസ്‌റ്റ് ചെയ്‌ത സംഭവത്തിലും പ്രതിഷേധം നടക്കുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
