തൃശൂർ: ആഴ്ചകളായി തുടരുന്ന സാങ്കേതിക തകരാറിനെ തുടർന്ന് സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) എടിഎം പോയിന്റ് ഓഫ് സെയിൽ ഒഴികെയുള്ള എല്ലാ ഇടപാടുകളും കഴിഞ്ഞ ദിവസം മുടങ്ങി. ഇതോടെ ഉപഭോക്താക്കൾ പ്രതിസന്ധിയിലായിരുന്നു.
ട്വിറ്ററിലൂടെയാണ് ഇക്കാര്യം എസ്ബിഐ അറിയിച്ചത്. ഇത്തരം വിവരങ്ങൾ ഉപഭോക്താക്കളെ എസ്എംഎസ് വഴിയാണ് അറിയിക്കേണ്ടതെന്ന് പറഞ്ഞ് വിമർശനങ്ങൾ ഉയർന്നിരുന്നു.
We request our customers to bear with us. Normal service will resume soon.#SBI #StateBankOfIndia #ImportantNotice #YONOSBI #OnlineSBI pic.twitter.com/dDFAgmGLQl
— State Bank of India (@TheOfficialSBI) October 13, 2020
സാങ്കേതിക തകരാർ എന്താണെന്ന് കൃത്യമായി കണ്ടെത്താൻ സാധിക്കാത്തതിനാൽ ആഴ്ചകളായി എസ്ബിഐ വലയുകയാണ്. ബാങ്ക് ശാഖകളിലെ ജീവനക്കാർക്ക് കംപ്യൂട്ടറിൽ ലോഗ് ഇൻ ചെയ്യാൻ സാധിക്കുന്നത് പോലും മണിക്കൂറുകളുടെ കാത്തിരിപ്പിന് ശേഷമാണ്. പരിഹാരം കണ്ടെത്തുന്നതിനായി എസ്ബിഐയുടെ ഡെപ്യൂട്ടി മാനേജിങ് ഡയറക്ടർ തലത്തിൽ ഇടപെട്ടിട്ടും ഫലമുണ്ടായില്ല. എസ്ബിഐ യുടെ സർവർ സ്ഥിതി ചെയ്യുന്ന മുംബൈയിൽ തിങ്കളാഴ്ച വൈദ്യുതി നിലച്ചത് കാരണം രാജ്യത്താകെ എസ്ബിഐയുടെ സേവനം ഏറെ നേരം തടസപ്പെട്ടിരുന്നു. പിന്നീട്, ഏറെ ദിവസത്തെ പരിശ്രമത്തിന് ശേഷം ബാങ്കിങ് സിസ്റ്റം പുനഃസ്ഥാപിച്ചു എന്ന് എസ്ബിഐ അധികൃതർ അറിയിച്ചെങ്കിലും പലയിടങ്ങളിലും പ്രശ്നങ്ങൾ പൂർണമായി പരിഹരിച്ചിട്ടില്ല.