രസകരമായ പ്രണയകഥ നർമത്തിൽ ചാലിച്ച് പറയുന്ന ‘ഒരു പപ്പടവട പ്രേമം‘ സിനിമയിലെ നാലാമത്തെ ഗാനവും റിലീസായി. പാട്ടുകള്‍ക്കേറെ പ്രാധാന്യമുള്ള ചിത്രത്തിലെ ഈ ഗാനം ചലച്ചിത്രതാരം ഹരീഷ് പേരടിയുടെ ഫേസ്ബുക് പേജിലൂടെയാണ് റിലീസ് ചെയ്‌തത്‌.
നിഷാന്ത് കൊടമന രചിച്ച് രാജേഷ്ബാബു കെ ശൂരനാട് സംഗീതം നല്‍കിയ ഗാനം ശ്രദ്ധേയ ഗായകരായ അന്‍വര്‍ സാദത്തും ശ്രീകാന്ത് കൃഷ്‌ണയുമാണ്‌ ആലപിച്ചിരിക്കുന്നത്. ആര്‍എം ആര്‍ പ്രൊഡക്ഷന്‍സിന്റെ ബാനറില്‍ സായിര്‍ പത്താനാണ് ഒരു ‘ഒരു പപ്പടവട പ്രേമം‘ രചനയും സംവിധാനവും നിര്‍വഹിച്ചത്.
നാല് കാമുകന്‍മാരുടെ രസകരമായ പ്രണയജീവിതമാണ് ചിത്രത്തിന്റെ ഇതിവൃത്തം. മുഖ്യമന്ത്രി പിണറായി വിജയന്റെ കടുത്ത ആരാധകനായ കുഞ്ഞപ്പന്‍ എന്ന കഥാപാത്രത്തെ അവതരിപ്പിക്കുന്നത് മലയാളികളുടെ പ്രിയതാരം കൊച്ചുപ്രേമനാണ്. സായിര്‍ പത്താന്‍, ആലിയ, നിഹ ഹുസൈന്‍, ബിജു കലാധര്‍, ശ്രീകാന്ത് കെ സി, കടയ്‌ക്കാമൺ മോഹന്‍ദാസ്, കനകലത, പ്രിന്‍സ് മാത്യു, സന്തോഷ് കലഞ്ഞൂര്‍ തുടങ്ങിയ അഭിനേതാക്കളും ചിത്രത്തിലുണ്ട്.
ബാനര്‍ – ആര്‍എംആര്‍ പ്രൊഡക്ഷന്‍സ്, നിര്‍മ്മാണം – ആര്‍എംആര്‍ ജിനു വടക്കേമുറിയില്‍, രചന, സംവിധാനം – സായിര്‍ പത്താന്‍, ഗാനരചന – കൈതപ്രം ദാമോദരന്‍ നമ്പൂതിരി, നിശാന്ത് കൊടമന, വാസു അരിക്കോട്, സംഗീതം – രാജേഷ്ബാബു കെ ശൂരനാട്, പാശ്‌ചാത്തല സംഗീതം – രാജേഷ് ബാബു കെ ശൂരനാട്, ഷിംജിത്ത് ശിവന്‍ എന്നിവരാണ് നിർവഹിക്കുന്നത്.
‘ഒരു പപ്പടവട പ്രേമം‘ ഗായകരായി പി കെ സുനില്‍കുമാര്‍, മഞ്‌ജരി, ജാസി ഗിഫ്റ്റ്, ശ്രീകാന്ത് കൃഷ്‌ണ, അന്‍വര്‍ സാദത്ത്, അശിന്‍ കൃഷ്‌ണ എന്നിവരും പ്രൊഡക്ഷന്‍ കണ്‍ട്രോളര്‍ – ജോയ് പേരൂര്‍ക്കട, മ്യൂസിക്ക് അറേഞ്ച്മെന്റസ് ആൻഡ് അസോസിയേറ്റ് ഡയറക്ഷന്‍ – ഷിംജിത്ത് ശിവന്‍ എന്നിവരുമാണ്. പിആർ ആര്‍ സുമേരന്‍ വാർത്താ പ്രചരണം നിർവഹിക്കുന്ന സിനിമയുടെ ക്യാമറ – പ്രശാന്ത് പ്രണവമാണ് ചെയ്യുന്നത്.
Most Read: സുപ്രീം കോടതി വിമര്‍ശനം; കന്‍വാര്‍ യാത്രയ്‌ക്ക് അനുമതി നിഷേധിച്ച് ഡെല്‍ഹിയും
