പാലക്കാട്: ഫെബ്രുവരി മാസത്തിൽ തന്നെ വെന്തുരുകുകയാണ് പാലക്കാട് ജില്ല. മാർച്ച് മാസത്തോടെ ചൂട് 40 ഡിഗ്രിയിൽ എത്തുമെന്നാണ് കാലാവസ്ഥാ നിരീക്ഷകരുടെ വിലയിരുത്തൽ. ഇടമഴ ലഭിച്ചില്ലെങ്കിൽ കാര്യങ്ങൾ കൂടുതൽ സങ്കീർണമാകും. ഈ മാസം തന്നെ പാലക്കാട്ടുകാർ ശരിക്കും വിയർത്ത് കുളിക്കുകയാണ്.
കഴിഞ്ഞ പത്ത് ദിവസത്തിലേറെയായി 35 മുതൽ 38 ഡിഗ്രി സെൽഷ്യസിലാണ് പാലക്കാടിന്റെ താപനില. മുണ്ടൂർ, പട്ടാമ്പി, മലമ്പുഴ എന്നിവിടങ്ങളിലാണ് ഏറ്റവും കൂടുതൽ ചൂട് അനുഭവപ്പെടുന്നത്. രാവിലെ പത്തുമണി ആകുമ്പോഴേക്കും നട്ടുച്ച ചൂടാണ് അനുഭവപ്പെടുന്നത്. പുലർച്ചെ വരെ നല്ല തണുത്ത കാറ്റും. പിന്നീട് കൊടുംവെയിലിലേക്ക് ഇറങ്ങി നടക്കുമ്പോൾ ആരോഗ്യ പ്രശ്നങ്ങളും കൂടുന്നതായാണ് വിവരം. ഈ പോക്ക് പോയാൽ മാർച്ച് പകുതിയോടെ ചൂട് 40 ഡിഗ്രിയിലെത്തുമെന്നാണ് വിലയിരുത്തൽ.
Most Read| തലച്ചോറിൽ വയർലെസ് ചിപ്പ്; മാറിമറയുമോ മനുഷ്യന്റെ ഭാവി!