പഞ്ചാബ്: കേന്ദ്രസർക്കാർ നടപ്പാക്കിയ കാർഷിക നിയമങ്ങൾക്കെതിരെയുള്ള പ്രക്ഷോഭം തുടരുന്നു. പഞ്ചാബിൽ ഇന്ന് രണ്ട് മണിക്കൂർ ബന്ദിന് ആഹ്വാനം ചെയ്‌തിട്ടുണ്ട്‌. ഹരിയാനയിലെ സിർസയിൽ നടന്ന പ്രതിഷേധത്തിനിടെ പോലീസിന്റെ ലാത്തിയടിയേറ്റ കർഷകർക്ക് ഐക്യദാർഢ്യം പ്രഖ്യാപിച്ച് കൊണ്ടാണ് പഞ്ചാബിൽ ബന്ദ് നടത്തുന്നത്.
Also Read: ഹകീംപേട്ട് വ്യോമസേന കേന്ദ്രത്തില്‍ വിദ്യാര്‍ത്ഥി ആത്‍മഹത്യ ചെയ്‌തു
വൈകിട്ട് നാല് മണി മുതൽ ആറ് മണി വരെ ബന്ദ് നടത്താനാണ് കർഷകർ തീരുമാനിച്ചിരിക്കുന്നത്. ട്രെയിൻ തടയൽ സമരവും തുടരും. അതേസമയം, കാർഷിക നിയമങ്ങൾക്കെതിരെ പ്രമേയം പാസാക്കുന്നതിനായി ഒരാഴ്‌ചക്കുള്ളിൽ നിയമസഭ വിളിച്ചുകൂട്ടണമെന്ന് പഞ്ചാബ് മുഖ്യമന്ത്രിക്ക് കർഷക സംഘടനകൾ അന്ത്യശാസനം നൽകിയിട്ടുണ്ട്.
