വടകര: കടലാക്രമണത്തെ തുടർന്ന് കരയിൽ അടിഞ്ഞു കൂടിയ 5 ടൺ മാലിന്യം അഴിയൂർ പഞ്ചായത്ത് നീക്കം ചെയ്‌തു. ജൈവ മാലിന്യങ്ങൾ ശാസ്‌ത്രീയമായി സംസ്‌കരിക്കുകയും മറ്റുള്ളവ കയറ്റി അയക്കുകയും ചെയ്‌തു. 5 കിലോമീറ്റർ ദൂരത്തിൽ 7 വാർഡിലായുള്ള കടലോരത്തു നിന്നാണ് പ്ളാസ്‌റ്റിക് ഉൾപ്പെടെയുള്ള 5 ടൺ മാലിന്യം ശേഖരിച്ചത്.
മാലിന്യം നീക്കം ചെയ്യുന്നതിന് ‘ഗ്രീൻ വേർമസ്’ എന്ന സംഘടനയുടെ സഹായത്തോടെ നടത്തിയ പരിപാടിയിൽ പഞ്ചായത്ത് അംഗങ്ങളും ആർആർടിമാരും സന്നദ്ധ സംഘടനകളും പങ്കെടുത്തു. വാർഡ് തലത്തിൽ ഹരിത കർമ സേനയാണ് മാലിന്യം വേർതിരിച്ചത്. മാലിന്യം കടലിൽ തള്ളുന്നത് തടയാൻ ‘ അരുത് കടലമ്മയോട് ’ എന്ന പേരിൽ ക്യാംപയിനും തുടങ്ങിയിട്ടുണ്ട്.
Malabar News: ലോക്ക്ഡൗൺ മാനദണ്ഡങ്ങൾ ലംഘിച്ച് പൊന്നാനിയിൽ മൽസ്യലേലം
