തിരുവനന്തപുരം: സംസ്ഥാനത്ത് ബസ്, ഓട്ടോ, ടാക്സി എന്നിവയുടെ നിരക്ക് വർധിപ്പിക്കുന്ന കാര്യത്തിൽ ഇന്ന് ചേരുന്ന മന്ത്രിസഭാ യോഗത്തിൽ തീരുമാനമെടുക്കും. ബസുകളുടെ മിനിമം നിരക്ക് പത്ത് രൂപയാക്കാനും, കിലോമീറ്ററിന് ഒരു രൂപ വീതം കൂട്ടാനുമാണ് നിലവിലെ തീരുമാനം. കൂടാതെ വിദ്യാർഥികളുടെ നിരക്ക് പരിഷ്കരിക്കുന്നത് പഠിക്കാൻ ഇന്ന് കമ്മീഷനെ വെക്കും.
25 രൂപയായിരുന്ന മിനിമം ഓട്ടോ ചാർജ് 30 രൂപയാക്കാനും, ടാക്സി മിനിമം ചാർജ് 200 രൂപയാക്കാനും തീരുമാനിച്ചിരുന്നു. ജസ്റ്റിസ് രാമചന്ദ്രൻ കമ്മീഷൻ ശുപാർശ പ്രകാരം മാർച്ച് 30ന് ചേർന്ന എൽഡിഎഫ് യോഗം നിരക്ക് വർധനക്ക് അനുകൂലമായി തീരുമാനമെടുത്തിരുന്നു. മെയ് ഒന്നാം തീയതി മുതൽ വർധന പ്രാബല്യത്തിൽ വരുമെന്നാണ് ഇതിനോടകം അധികൃതർ വ്യക്തമാക്കിയിരുന്നത്.
Read also: രണ്ടാം എൽഡിഎഫ് സർക്കാരിന്റെ വാർഷികം; കാണികളില്ല, വരവേറ്റത് ഒഴിഞ്ഞ കസേരകൾ