കോഴിക്കോട്: മീഞ്ചന്തയിലെ ചെരുപ്പ് കമ്പനിയിൽ വൻ തീപിടുത്തം. അഗ്നിശമന സേനയുടെ എട്ട് യൂണിറ്റുകൾ തീ അണയ്ക്കാനുള്ള ശ്രമം തുടരുകയാണ്. പുലർച്ചെ രണ്ടരയോടെയായിരുന്നു ഗോഡൗണിൽ തീ പിടിച്ചത്. തുടർന്ന് ആളിപ്പടരുകയായിരുന്നു. സമീപവാസികളെ സുരക്ഷിത സ്ഥാനത്തേക്ക് മാറ്റി.
മാർക്ക് ത്രീ എന്ന ചെരുപ്പ് കമ്പനിയുടെ ഗോഡൗണിലാണ് അപകടമുണ്ടായത്. കെട്ടിടം പൂർണമായും കത്തിനശിച്ചുവെന്നാണ് വിവരം. മണിക്കൂറുകളായി തീ അണയ്ക്കാനുള്ള തീവ്രശ്രമത്തിലാണ് അഗ്നിശമന സേന. തീ പിടുത്തതിന്റെ കാരണം എന്തെന്ന് വ്യക്തമായിട്ടില്ല. 160ഓളം ഇതരസംസ്ഥാന തൊഴിലാളികൾ ഗോഡൗണിന് സമീപം താമസിച്ചിരുന്നു. ഇവരുടെ ശ്രദ്ധയിലാണ് തീപിടുത്തം ആദ്യം പെട്ടത്. ഉടൻ തന്നെ അഗ്നിശമന സേന സ്ഥലത്ത് എത്തുകയായിരുന്നു. നിരവധി തൊഴിലാളികളാണ് സമീപത്ത് താമസിക്കുന്നത്. ആളപായമില്ലാത്തത് ആശ്വാസമായി.
Also Read: ഒമൈക്രോൺ; സംസ്ഥാനത്ത് രാത്രി യാത്രാ നിയന്ത്രണം, ആൾക്കൂട്ടവും പാടില്ല