തിരുവനന്തപുരം: കവടിയാറിൽ ഹോട്ടലിന് തീപിടിച്ചു. മൂന്നാം നിലയിലാണ് തീപിടിത്തമുണ്ടായത്. ഹോട്ടലിനുള്ളിൽ കുടുങ്ങിയ തൊഴിലാളികളെ ഫയർഫോഴ്‌സെത്തി രക്ഷപ്പെടുത്തി. അമ്പലമുക്കിനും കവടിയാറിനും ഇടയിലുള്ള ‘മലപ്പുറം കുഴിമന്തി’ എന്ന ഹോട്ടലിലാണ് അപകടമുണ്ടായത്.
ഉച്ചക്ക് 2.15നാണ് സംഭവം. ഷോർട് സർക്യൂട്ടാണ് തീപിടുത്തതിന് കാരണമെന്നാണ് പ്രാഥമിക നിഗമനം. അപകട സമയത്ത് നാല് ഇതരസംസ്‌ഥാന തൊഴിലാളികൾ മൂന്നാം നിലയിലുണ്ടായിരുന്നു. ഇവരുടെ നിലവിളി കേട്ട് സമീപത്തുണ്ടായിരുന്ന കെഎസ്‌ഇബി ജീവനക്കാരാണ് ആദ്യം രക്ഷാപ്രവർത്തനം നടത്തിയത്. പിന്നാലെ ആറ് യൂണിറ്റ് ഫയർഫോഴ്‌സ്‌ സ്‌ഥലത്തെത്തിയാണ് തീ പൂർണമായും അണച്ചത്. നിയമവിരുദ്ധമായാണ് ഹോട്ടൽ പ്രവർത്തിച്ചതെന്ന് ആക്ഷേപം ഉയർന്നിട്ടുണ്ട്.
Also Read: സോളാർ കേസ്; സരിതക്ക് 6 വർഷം കഠിന തടവും പിഴയും
