ലോകത്തിലെ ഏറ്റവും വലിയ ആമ്പൽ ചെടി ലണ്ടനിൽ കണ്ടെത്തി. ലണ്ടനിലെ ക്യൂ ഗാര്ഡന്സ് ഹെര്ബേറിയത്തിലാണ് ഈ ചെടിയുള്ളത്. ജലത്തിൽ വളരുന്ന സസ്യങ്ങളെ പരിപാലിക്കുന്ന കേന്ദ്രമാണ് ഹെർബേറിയം. കഴിഞ്ഞ 177 വര്ഷമായി ഈ ആമ്പല്ച്ചെടിയുടെ ശേഖരം ഇവിടെയുണ്ട്. ലോകത്ത് ഇതുവരെ തിരിച്ചറിഞ്ഞിട്ടുള്ള രണ്ട് ഭീമന് ആമ്പല്ച്ചെടികളില് ഒന്നാണ് ഇതെന്ന ധാരണയായിലായിരുന്നു ഇതുവരെ ഈ ചെടിയെ പരിപാലിച്ചിരുന്നത്. എന്നാൽ, അടുത്തിടെയാണ് ലോകത്തെ ഏറ്റവും വലിയ ഈ ആമ്പല്ച്ചെടി പുതിയൊരു ജനുസാണ് എന്ന കാര്യം മനസിലാകുന്നത്.
100 വര്ഷത്തിനിടെ ലോകത്ത് കണ്ടെത്തുന്ന ആദ്യത്തെ ഭീമൻ ആമ്പൽ ചെടിയായി മാറിയിരിക്കുകയാണ് വിക്ടോറിയ ജനുസ് എന്നറിയപ്പെടുന്ന ഈ ആമ്പൽ. ഫ്രണ്ടയേഴ്സ് ഇന് പ്ളാന്റ് സയന്സ് എന്ന മാസികയിലാണ് ഈ പുതിയ ആമ്പലിനെക്കുറിച്ചുള്ള കണ്ടെത്തല് പങ്കുവെച്ചിരിക്കുന്നത്. ഹോര്ട്ടികള്ച്ചറിസ്റ്റ് കാരൾസ് മഗ്ധലേന, ബൊട്ടാണിക്കൽ ആർട്ടിസ്റ്റായ ലൂസി സ്മിത്ത് എന്നിവരാണ് പുതിയ കണ്ടെത്തലിന് പിന്നിൽ.
കഴിഞ്ഞ 20 വര്ഷമായി ഈ സസ്യത്തെ ചിത്രങ്ങളിലൂടെ താന് സസൂക്ഷ്മം നിരീക്ഷിക്കുകയായിരുന്നു എന്ന് മഗ്ധലേന പറയുന്നു. ഈ ആമ്പൽ ചെടികളുടെ ജൻമനാട് ബൊളീവിയ ആയതിനാലാണ് ജനുസിന് വിക്ടോറിയ ബൊളീവിയ എന്ന പേര് നൽകിയതെന്ന് മഗ്ധലേന പറയുന്നു. 3.2 മീറ്റര് വരെ വലുപ്പം ഇവയുടെ ഇലകളില് കണ്ടു വരാറുണ്ട്.
Most Read: സഫാരിക്കിടെ വാഹനത്തിൽ ചാടിക്കയറി ചീറ്റപ്പുലി; യാത്രക്കാരുമായി സഞ്ചാരം