മലപ്പുറം: വനത്തിൽ അനധികൃതമായി സ്വർണ ഖനനം നടത്താൻ ശ്രമിച്ച മൂന്നു പേർ അറസ്‌റ്റിൽ. മരുത കൂട്ടിൽപാറ ചോലകത്ത് റഷീദ് (48), കൊടക്കാടൻ ഹാരിസ് (39), വയലിക്കട സുധീഷ് കുമാർ എന്ന റുവൈദ് (48) എന്നിവരാണ് അറസ്‌റ്റിലായത്. വഴിക്കടവ് റേഞ്ച് ഫോറസ്റ്റ് ഓഫീസർ പിഎസ് മുഹമ്മദ് നിഷാൽ പുളിക്കലിന്റെ നേതൃത്വത്തിലുള്ള സംഘമാണ് ഇവരെ പിടികൂടിയത്. മരുത മണ്ണിച്ചീനി ഭാഗത്ത് ആറ് കിലോമീറ്റർ ഉൾവനത്തിൽ സംസ്ഥാന അതിർത്തിയോട് ചേർന്നാണ് പാറ പൊട്ടിച്ച് സ്വർണ ഖനനം നടത്താൻ ശ്രമിച്ചത്.
Entertainment News: ആദ്യ ഗാനം ഭാര്യയെ കൊണ്ട് പാടിച്ച് വിനീത് ശ്രീനിവാസന്‍
നെല്ലിക്കുത്ത് വനം ഡെപ്യൂട്ടി റേഞ്ച് ഓഫിസർ പി.എഫ്. ജോൺസൺ, സെക്ഷൻ ഫോറസ്റ്റ് ഓഫീസർമാരായ ശിവദാസൻ കിഴക്കേപ്പാട്ട്, എം വൽസലൻ, ബിഎഫ്ഒമാരായ പിഎൻ ശ്രീജൻ, ഇഎസ് സുധീഷ്, പി മുഹമ്മദ് ഫൈസൽ, ഡി വിനോദ്, അബ്ദുൽ ഖാസിം തോട്ടോളി, പി ശ്രീനാഥ്, അമൃത രഘുനാഥ് എന്നിവരാണ് വനപാലക സംഘത്തിലുണ്ടായിരുന്നത്.
