തൃശൂർ: രാജ്യസഭയിലേക്ക് നാമനിര്ദ്ദേശം ചെയ്യപ്പെട്ട പിടി ഉഷക്കെതിരെയും, ആര്എംപി സ്ഥാനാർഥിയായി മൽസരിച്ച് നിയമസഭയിലെത്തിയ കെകെ രമയേയും കുറിച്ച് സിപിഎം കേന്ദ്ര കമ്മറ്റി അംഗം എളമരം കരീം നടത്തിയ പ്രസ്താവനക്കെതിരെ രമേശ് ചെന്നിത്തല രംഗത്ത്. പിടി ഉഷക്കെതിരെ കരീം നടത്തിയ പരമാര്ശം തെറ്റാണ്. അത് പിന്വലിച്ച് മാപ്പ് പറയണം.
ജനങ്ങളുടെ പിന്തുണയോടെ ജയിച്ചു വന്ന കെകെ രമയെ അപമാനിച്ചതും തെറ്റ് തന്നെയാണ്. അതും പിൻവലിക്കണം. ഈ വിഷയത്തിൽ കരീം മാപ്പ് ചോദിക്കണമെന്നും ചെന്നിത്തല ആവശ്യപ്പെട്ടു. സംഘപരിവാറിന് ഹിതകരമായി പെരുമാറുന്നവര്ക്ക് പാരിതോഷികങ്ങള് ലഭിക്കുന്ന സ്ഥിതിയുണ്ടെന്നും, ഇതിന്റെ ഭാഗമായി കേരളത്തില്നിന്ന് ഒരാളെ രാജ്യസഭയിലേക്ക് നാമനിര്ദ്ദേശം ചെയ്തുവെന്നും ആയിരുന്നു കരീം ഉഷയെ പരോക്ഷമായി വിമർശിച്ചത്.
Read Also: കോൺഗ്രസ് എംഎൽഎ കുൽദീപ് ബിഷ്ണോയ് ബിജെപിയിലേക്ക്