ജ്യോതികയെ കേന്ദ്ര കഥാപാത്രമാക്കി ശരവണ്‍ സംവിധാനം ചെയ്യുന്ന ‘ഉടന്‍പിറപ്പെ’യുടെ ട്രെയ്‌ലര്‍ പുറത്ത് വിട്ട് അണിയറ പ്രവര്‍ത്തകര്‍. ജാതി രാഷ്‌ട്രീയം പ്രമേയമായി എത്തുന്ന ‘ഉടന്‍പിറപ്പെ’ ജോതികയുടെ അമ്പതാമെത്തെ ചിത്രം കൂടിയാണ്. ഈ മാസം 14ന് ചിത്രം ആമസോണ്‍ പ്രൈമിലൂടെ റിലീസ് ചെയ്യും.
സൂര്യയും ജ്യോതികയും ചേര്‍ന്ന് നിര്‍മിക്കുന്ന ചിത്രത്തിൽ ശശികുമാര്‍ ആണ് നായക കഥാപാത്രത്തെ അവതരിപ്പിക്കുന്നത്. സമുദ്രകനി, സൂരി, കാളിയരശന്‍, നിവേദിത എന്നിവര്‍ മറ്റ് കഥാപാത്രങ്ങളെ അവരിപ്പിക്കുന്നു. ‘പൊന്‍മകള്‍ വന്താല്‍’ എന്ന ചിത്രത്തിന് ശേഷമുള്ള ജ്യോതികയുടെ ചിത്രമാണ് ‘ഉടന്‍പിറപ്പെ’.
സംവിധായകൻ ശരവണ്‍ തന്നെയാണ് ചിത്രത്തിന്റെ തിരക്കഥയും നിര്‍വഹിച്ചിരിക്കുന്നത്. ആര്‍ രാജവേലാണ് ഛായാഗ്രാഹകൻ. ഡി ഇമ്മനാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്.
Most Read: കണ്ടീഷണർ ഉപയോഗിക്കാറുണ്ടോ? ഇക്കാര്യങ്ങൾ ശ്രദ്ധിക്കാം
