കണ്ണൂർ : ജില്ലാ സോഷ്യൽ ഫോറസ്ട്രി വിഭാഗത്തിന്റെ നേതൃത്വത്തിൽ കടലിൽ നടത്തിയ സർവേയിൽ കടലിൽ പക്ഷികൾ പൊതുവെ കുറയുന്നതായി കണ്ടെത്തി. കനത്ത ചൂടിനെ തുടർന്നാകാം കടൽ പക്ഷികളുടെ സാനിധ്യത്തിൽ വലിയ കുറവ് രേഖപ്പെടുത്തുന്നതെന്ന് വിദഗ്‌ധർ വ്യക്‌തമാക്കി. ആർട്ടിക് സ്‌കുവ, പൊമറൈൻ സ്‌കുവ, ബ്രാൺ– സൗത്ത് പോളാർ സ്‌കൂവ, കോമൺ ടേൺ, ലെസർ ക്രസ്‌റ്റഡ് ടേൺ തുടങ്ങിയവയുടെ സാനിധ്യം കണ്ടെത്തിയിട്ടുണ്ട്.
ഉത്തര മേഖല ചീഫ് കൺസർവേറ്റർ വിനോദ് കുമാർ, സാമൂഹിക വനവൽക്കരണ വിഭാഗം കൺസർവേറ്റർ എൻടി സാജൻ, അസിസ്‌റ്റൻഡ് കൺസർവേറ്റർ എൻടി സാജൻ, അസിസ്‌റ്റൻഡ് കൺസർവേറ്റർ ജി പ്രദീപ്, ഔഷധി എംഡി ഉത്തമൻ റേഞ്ച് ഓഫീസർമാരായ അരുണേഷ്, രതീശൻ, പക്ഷിനിരീക്ഷകരായ സത്യൻ മേപ്പയൂർ, റോഷ് നാഥ് രമേഷ്, അസിസ്‌റ്റൻഡ് കൺസർവേറ്റർ വി രാജൻ എന്നിവരടങ്ങിയ സംഘമാണ് പക്ഷിനിരീക്ഷണം നടത്തിയത്.
Read also : ‘നൻമക്കൊരു നാളികേരം’ സാന്ത്വന സേവനത്തിന് വേറിട്ട പദ്ധതിയുമായി എസ്‌വൈഎസ്‌
