പത്തനംതിട്ട: ശബരിമല പാതയിൽ ലോറി കൊക്കയിലേക്ക് വീണ് അപകടം. തുടർന്ന് ഡ്രൈവർ എന്ന് കരുതുന്ന ആളുടെ മൃതദേഹം വാഹനത്തിന് സമീപത്തു നിന്നും ലഭിച്ചു. പ്ളാപ്പള്ളിക്ക് സമീപം കമ്പകത്തുംപാറയിലാണ് ലോറി കൊക്കയിലേക്ക് മറിഞ്ഞത്.
അപകടം നടന്നിട്ട് ദിവസങ്ങളായെന്നാണ് കണക്കുകൂട്ടൽ. വനംവകുപ്പ് നടത്തിയ പരിശോധനയിലാണ് അപകടം സംബന്ധിച്ച വിവരം ലഭിക്കുന്നത്. അപകടത്തിൽ പെട്ട ലോറി മഹാരാഷ്ട്ര രജിസ്ട്രേഷനിലുള്ളതാണ്. പമ്പയിലേക്ക് സിമന്റുമായി പോകുന്നതിനിടെ അപകടം ഉണ്ടായതാണെന്നാണ് കണക്കുകൂട്ടൽ.
KL 33 C 6275 ലോറി ആണ് അപകടത്തിൽ പെട്ടത്. തമിഴ്നാട് ശങ്കർ നഗറിൽ നിന്നും സിമന്റ് കൊണ്ട് വന്ന ലോറിയാണിത്. മരിച്ചത് ഡ്രൈവർ മാരിയപ്പൻ(30) ആണ് എന്നാണ് സൂചന.
Read also: യുക്രൈൻ സന്ദർശനം പരിഗണനയിലെന്ന് മാർപാപ്പ