തിരുവനന്തപുരം: നാനൂറോളം പുതിയ തസ്‌തികകൾ സൃഷ്‌ടിക്കാൻ മന്ത്രിസഭാ യോഗം തീരുമാനിച്ചു. പോലീസ്, വിദ്യാഭ്യാസം, കാംകോ (Kerala Agro Machinery Corporation Limited) എന്നിവിടങ്ങളിൽ ആയിരിക്കും പുതിയ തസ്‌തികകൾ. കാംകോയിൽ ലാസ്‌റ്റ് ഗ്രേഡ് ഉൾപ്പടെ മുപ്പതോളം തസ്‌തികകൾ സൃഷ്‌ടിക്കുമെന്നാണ് വിവരം.
35 വർഷത്തിന് ശേഷം കേരള പോലീസിൽ പുതിയ ബറ്റാലിയൻ രൂപീകരിക്കാനും മന്ത്രിസഭയിൽ തീരുമാനമായി. ഈ വിഭാഗത്തിൽ 135 തസ്‌തികകൾ രൂപീകരിക്കും. കൂടാതെ, ഐടി ജീവനക്കാർക്ക് പ്രത്യേക ക്ഷേമനിധി ഏർപ്പെടുത്തും.
അതേസമയം, സെക്രട്ടറിയേറ്റിന് മുന്നിൽ സമരം ചെയ്യുന്ന 84 കായിക താരങ്ങൾക്ക് നിയമനം നൽകുമെന്നും സർക്കാർ അറിയിച്ചിട്ടുണ്ട്. പ്രതിഷേധിച്ച ദേശീയ ഗെയിംസ് ജേതാക്കൾ അടക്കമുള്ളവർക്ക് നിയമനം നൽകുമെന്നാണ് റിപ്പോർട്.
Also Read: വാക്‌സിൻ കൂടുതൽ ലഭ്യമാക്കാൻ കേന്ദ്രത്തിൽ സമ്മർദ്ദം ചെലുത്തും; മുഖ്യമന്ത്രി
