പാലക്കാട്: അന്തരീക്ഷത്തില് നിന്ന് ഓക്സിജന് വേര്തിരിച്ചെടുക്കുന്ന എയര് സെപ്പറേഷന് യൂണിറ്റ് വടക്കഞ്ചേരിയില് ഉൽഘാടനത്തിന് ഒരുങ്ങുന്നു. ഒരാഴ്ചക്കുള്ളില് ഈ പ്ളാന്റില് നിന്ന് ആശുപത്രികളിലേക്ക് ഓക്സിജൻ എത്തിതുടങ്ങും പാലക്കാട് വടക്കഞ്ചേരി കണച്ചിപരുതയിലാണ് ഓക്സിജൻ നിർമാണ യൂണിറ്റ് തയ്യാറാക്കിയിട്ടുള്ളത്.
അന്തരീക്ഷ വായുവില് നിന്ന് ഓക്സിജന് വേര്തിരിക്കുന്ന എയര് സെപ്പറേഷന് യൂണിറ്റിന്റെ ട്രയല് പൂര്ത്തിയായി. അടുത്തയാഴ്ചയോടെ ആശുപത്രികള്ക്കുള്ള ഓക്സിജന് വിതരണമാരംഭിക്കുമെന്നാണ് ഓക്സിലിയം കമ്പനി ഉടമ പറയുന്നത്.
പ്രതിദിനം എണ്ണൂറു സിലിണ്ടറുകള് നിറക്കാനുള്ള സൗകര്യമാണ് ടാങ്കിലുള്ളത്. എണ്ണൂറ് സിലിണ്ടറുകള്ക്കുള്ള ഓക്സിജൻ സംഭരിച്ചു വയ്ക്കാനുള്ള ടാങ്കുകളും തയ്യാറാണ്. വൈദ്യുതി മുടക്കമുള്പ്പടെയുള്ള പ്രതിസന്ധികളില് വലിയ ടാങ്കുകളിലെ ഓക്സിജന് സിലിണ്ടറുകളില് നിറച്ചുപയോഗിക്കാം. ഏഴുകോടിയോളം രൂപയാണ് പ്ളാന്റിന്റെ നിര്മാണ ചിലവ്. പാലക്കാട് ജില്ലയിലേക്കുള്ള വിതരണത്തിനാണ് മുന്ഗണനയെങ്കിലും സര്ക്കാര് നിര്ദ്ദേശ പ്രകാരമാവും വിതരണം.
Read Also: തീരമേഖലകളിൽ മഴയും കടലാക്രമണവും; മൂന്ന് ജില്ലകളിൽ കൺട്രോൾ റൂമുകൾ തുറന്നു