കണ്ണൂർ: വനിതാ ഹോസ്‌റ്റലിന് മുന്നിൽ നഗ്‌നതാ പ്രദർശനം നടത്തിയ യുവാവ് പോലീസ് പിടിയിൽ. കണ്ണൂർ തളിപ്പറമ്പ് ചിറവക്ക് സ്വദേശി പിഎം സുനിലിനെയാണ് അറസ്‌റ്റ് ചെയ്‌തത്‌. ഇന്നലെ വൈകിട്ടോടെയാണ് ഇയാളെ അറസ്‌റ്റ് ചെയ്‌തത്‌. ഇയാൾ ഏറെക്കാലമായി പരിയാരം ഗവ.മെഡിക്കൽ കോളേജിലെ വനിതാ ഹോസ്‌റ്റലിലെ വിദ്യാർഥികളെ ശല്യം ചെയ്‌ത്‌ വരികയായിരുന്നു.
കഴിഞ്ഞ മാസം ഹോസ്‌റ്റലിലെ വിദ്യാർഥികൾ നൽകിയ പരാതിയുടെ അടിസ്‌ഥാനത്തിലാണ്‌ പരിയാരം പോലീസ് അന്വേഷണം തുടങ്ങിയത്. തുടർന്ന് ഹോസ്‌റ്റൽ പരിസരത്ത് സുരക്ഷ വർധിപ്പിക്കുന്നതിനായി അധികൃതർ സിസിടിവികളും, തെരുവു വിളക്കുകളും സ്‌ഥാപിച്ചു. ഹോസ്‌റ്റലിന് സമീപം പോലീസ് പട്രോളിംഗ് ശക്‌തമാക്കുകയും ചെയ്‌തു. ഹോസ്‌റ്റലിന്റെ പരിസരങ്ങളിൽ സ്‌ഥാപിച്ച സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് സുനിലിനെ കുറിച്ചുള്ള സൂചന പോലീസിന് ലഭിക്കുന്നത്. തുടർന്നാണ് അറസ്‌റ്റ് നടന്നത്.
Read Also: കേരളം കോവിഡ് വാക്‌സിനേഷനിൽ ബഹുദൂരം പിന്നിലെന്ന് റിപ്പോർട്
