എറണാകുളം: ആലുവ ചൂണ്ടി ഭാരത് മാതാ ലോ കോളേജിൽ എസ്എഫ്ഐ- കെഎസ്യു സംഘർഷം. എസ്എഫ്ഐ പ്രവർത്തകനെ കെഎസ്യു സംഘം ചേർന്ന് മർദിച്ചതായാണ് പരാതി. മർദനത്തിന്റെ ദൃശ്യങ്ങൾ പുറത്ത് വന്നിട്ടുണ്ട്.
നവാഗതരെ സ്വാഗതം ചെയ്യുന്നതിനായി കോളേജ് അലങ്കരിക്കുന്നതുമായി ബന്ധപ്പെട്ട പ്രവർത്തനങ്ങൾക്കായാണ് എസ്എഫ്ഐ ഏരിയ പ്രസിഡണ്ട് ഷെഫിനും ഏരിയ ജോയിന്റ് സെക്രട്ടറി ദേവരാജും അവിടെ എത്തിയത്. ഇവരെ കെഎസ്യു പ്രവർത്തകരായ അൽ അമീൻ, ഫാബിയോ, അബിൻ, നെൽസൺ എന്നിവരടങ്ങിയ സംഘം ചേർന്ന് മർദിക്കുകയായിരുന്നു.
പരുക്കേറ്റ രണ്ട് പേരെ കളമശേരി മെഡിക്കൽ കോളേജിൽ പ്രവേശിപ്പിച്ചിട്ടുണ്ട്. സംഭവത്തിൽ പോലീസ് കേസെടുത്തു. മർദനത്തിൽ ശക്തമായി പ്രതിഷേധിക്കുമെന്ന് എസ്എഫ്ഐ അറിയിച്ചു.
National News: കോവിഡ് ഇന്ത്യ; 13,451 പുതിയ കേസുകൾ, കൂടുതലും കേരളത്തിൽ