പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രം ‘തിങ്കളാഴ്ച നിശ്ചയം’ ഈ മാസം 29ന് റിലീസ് ചെയ്യും. സോണി ലൈവിലൂടെയാണ് രണ്ട് സംസ്ഥാന ചലച്ചിത്ര പുരസ്കാരങ്ങള് കരസ്ഥമാക്കിയ ചിത്രം പ്രേക്ഷകരിലേക്ക് എത്തുക.
സെന്ന ഹെഗ്ഡെയാണ് ചിത്രം സംവിധാനം ചെയ്തിരിക്കുന്നത്. സംസ്ഥാന ചലച്ചിത്ര അവാര്ഡില് മികച്ച രണ്ടാമത്തെ ചിത്രത്തിനുള്ള പുരസ്കാരവും സംവിധായകന് സെന്ന ഹെഗ്ഡെ മികച്ച കഥാകൃത്തിനുള്ള പുരസ്കാരവുമാണ് നേടിയത്.
‘തികച്ചും സാധാരണമായ ജീവിത മുഹൂര്ത്തങ്ങളുടെ രസകരമായ ആവിഷ്കരണത്തിലൂടെ കുടുംബം എന്ന സാമൂഹിക സ്ഥാപനത്തിന്റെ ജനാധിപത്യ വൽകരണത്തിനും സ്ത്രീകളുടെ സ്വയം നിര്ണയാവകാശത്തിനും വേണ്ടി ശക്തമായി വാദിക്കുന്ന ചിത്രം’ എന്നായിരുന്നു ‘തിങ്കളാഴ്ച നിശ്ചയ’ത്തെ കുറിച്ച് ജൂറിയുടെ വിലയിരുത്തല്.
കന്നഡയില ഹിറ്റ് നിര്മാതാക്കളായ പുഷ്കര് ഫിലിംസ് ആദ്യമായി നിര്മിക്കുന്ന മലയാള ചിത്രമാണിത്. നേരത്തെ പുറത്തുവിട്ട ചിത്രത്തിന്റെ ട്രെയ്ലറിന് മികച്ച പ്രതികരണമാണ് ലഭിച്ചത്.
ഒരു നാട്ടിന്പുറത്ത് വിവാഹ നിശ്ചയവുമായി ബന്ധപ്പെട്ട് രണ്ട് ദിവസങ്ങളില് നടക്കുന്ന സംഭവ വികാസങ്ങളാണ് സിനിമ പറയുന്നത്. കാഞ്ഞങ്ങാട്ടെ ഒരു വീട്ടില് ഒരു വിവാഹ നിശ്ചയം നടത്തേണ്ടിവരുന്നു. തിങ്കളാഴ്ചയാണ് നിശ്ചയത്തിനുള്ള നല്ല ദിവസം. അതിന് രണ്ടു ദിവസം മുമ്പുള്ള കഥയാണ് സിനിമ പറയുന്നത്.
കാഞ്ഞങ്ങാട് മുതല് പയ്യന്നൂര് വരെയുള്ള പുതുമുഖങ്ങളാണ് ചിത്രത്തില് വേഷമിട്ടിരിക്കുന്നത്.
Most Read: മുഷ്താഖ് അലി ട്രോഫി; കേരള ടീമിനെ സഞ്ജു നയിക്കും, ശ്രീശാന്ത് പുറത്ത്