ന്യൂഡെൽഹി: ജമ്മു കശ്‌മീരിൽ നിർമാണത്തിലിരുന്ന തുരങ്കം തകർന്നു വീണ് 4 പേർക്ക് പരിക്ക്. റമ്പാനിലാണ് അപകടം നടന്നത്. തുരങ്കത്തിനടിയിൽ കൂടുതൽ ആളുകൾ കുടുങ്ങി കിടക്കുന്നതായാണ് വിവരം.
ഇന്നലെ രാത്രിയോടെയാണ് നിർമാണത്തിലിരുന്ന തുരങ്കം തകർന്നു വീണ് അപകടം നടന്നത്. നിലവിൽ ഇതിനകത്ത് 7 പേർ കുടുങ്ങി കിടക്കുന്നതായാണ് വിവരം. കരസേനയുടെയും പോലീസിന്റെയും സംയുക്‌ത രക്ഷാപ്രവർത്തനം പുരോഗമിക്കുകയാണ്.
തുരങ്കത്തിന് മുകളിലേക്ക് അമിതമായി മണ്ണ് ഇടിഞ്ഞു വീണിരുന്നു. അതിനാൽ തന്നെ ഈ മണ്ണ് മുഴുവനും മാറ്റിയാൽ മാത്രമേ രക്ഷാപ്രവർത്തനം നടക്കുകയുള്ളൂ എന്നും അധികൃതർ വ്യക്‌തമാക്കി.
Read also: ലാലു പ്രസാദ് യാദവിനെതിരെ വീണ്ടും അഴിമതി കേസ്; സിബിഐ റെയ്‌ഡ്
