അബുദാബി: ഇന്ത്യ ഉൾപ്പടെ 16 രാജ്യങ്ങളിൽ നിന്നുള്ള യാത്രാവിലക്ക് തുടരുമെന്ന് യുഎഇ എമിറേറ്റ്സ് ജനറൽ സിവിൽ ഏവിയേഷൻ അതോറിറ്റി. മറ്റൊരു അറിയിപ്പുണ്ടാകുന്നത് വരെ നിലവിലെ സ്ഥിതി തുടരുമെന്നാണ് അറിയിപ്പ്.
ജൂലൈ 25 വരെ സർവീസില്ലെന്ന് എമിറേറ്റ്സും 31 വരെ സർവീസില്ലെന്ന് ഇത്തിഹാദും അറിയിച്ചതിന് തൊട്ടു പിന്നാലെയാണ് യുഎഇ സിവിൽ ഏവിയേഷന്റെ സ്ഥിരീകരണം. ഇന്ത്യയ്‌ക്ക്‌ പുറമെ അഫ്ഗാനിസ്ഥാൻ, ബംഗ്ളാദേശ്, ഇന്തോനേഷ്യ, നേപ്പാൾ, പാകിസ്‌ഥാൻ, ശ്രീലങ്ക, വിയറ്റ്നാം തുടങ്ങിയ രാജ്യങ്ങളിൽ നിന്നുള്ള യാത്രക്കാർക്കും വിലക്കുണ്ട്.
ഈ രാജ്യങ്ങളിലെ കോവിഡ് സാഹചര്യം യുഎഇ സർക്കാർ നിരീക്ഷിക്കുക ആണെന്നും അതിന്റെ പശ്‌ചാത്തലത്തിൽ ആയിരിക്കും തുടർ തീരുമാനങ്ങളെന്നും സർക്കുലറിൽ പറയുന്നു. നയതന്ത്ര പ്രതിനിധികൾ, ഗോൾഡൻ വിസ, ഇൻവസ്റ്റർ വിസ എന്നിവയുള്ളവർക്ക് യുഎഇയിൽ വരുന്നതിന് തടസമില്ല.
Must Read: ബഹിരാകാശം തൊടാൻ ഒരുങ്ങി ജെഫ് ബെസോസ്; ചരിത്ര യാത്ര ഇന്ന്
