കൊൽക്കത്ത: പശ്‌ചിമ ബംഗാളില്‍ ബിജെപി നേതാക്കളും പ്രവര്‍ത്തകരും കൂട്ടത്തോടെ പാര്‍ടി വിടുന്നതിനിടെ അപേക്ഷയുമായി സംസ്‌ഥാന അധ്യക്ഷന്‍. പാര്‍ടി നയങ്ങളില്‍ നിന്ന് വ്യതിചലിക്കരുതെന്നും എല്ലാവരും ഐക്യത്തോടെ പ്രവര്‍ത്തിക്കണമെന്നും ബംഗാള്‍ ബിജെപി അധ്യക്ഷന്‍ സുകന്ദ മജുംദാര്‍ അഭ്യര്‍ഥിച്ചു. ബിജെപിയുടെ റായ്‌ഗഞ്ച് എംഎല്‍എ ഇന്നലെ പാര്‍ടി വിട്ടതിന് പിന്നാലെയാണ് മജുംദാറിന്റെ പ്രതികരണം.
കേന്ദ്ര നേതൃത്വവുമായുള്ള കൂടിക്കാഴ്‌ചക്ക് ശേഷം കഴിഞ്ഞ ദിവസമാണ് മജുംദാര്‍ ബംഗാളില്‍ തിരിച്ചെത്തിയത്. നേതാക്കളുടെ കൂറുമാറ്റം അവസാനിപ്പിക്കാൻ ശ്രദ്ധ വേണമെന്ന് മജുംദാറിനോട് കേന്ദ്ര നേതൃത്വം നിര്‍ദ്ദേശിച്ചതായാണ് സൂചന. അതേസമയം പാര്‍ടി വിട്ട റായ്‌ഗഞ്ച് എംഎല്‍എ കൃഷ്‌ണ കല്യാണി സംസ്‌ഥാന-കേന്ദ്ര നേതൃത്വത്തിനെതിരെ രംഗത്തെത്തി.
റായ്‌ഗഞ്ച് എംപി ദേബശ്രീ ചൗധരി തനിക്കെതിരെ ഗൂഢാലോചന നടത്തുന്നെന്നും തിരഞ്ഞെടുപ്പില്‍ തോല്‍പ്പിക്കാന്‍ ശ്രമിച്ചെന്നും അദ്ദേഹം പറഞ്ഞു. ഇക്കാര്യം സംസ്‌ഥാന-കേന്ദ്ര നേതൃത്വങ്ങളുടെ ശ്രദ്ധയില്‍പ്പെടുത്തിയിട്ടും നടപടിയുണ്ടായില്ലെന്നും അദ്ദേഹം പറഞ്ഞു. ബിജെപി വിട്ട കൃഷ്‌ണ തൃണമൂലില്‍ ചേരുമോയെന്ന കാര്യത്തില്‍ വ്യക്‌തതയില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
