കണ്ണൂർ: പാനൂർ വടക്കേ പൊയിലൂർ കുരുടൻകാവ് ഭഗവതി ക്ഷേത്രത്തിൽ ഉൽസവത്തിനിടെ ആന ഇടഞ്ഞു. ക്ഷേത്രത്തിലെ ആറാട്ട് മഹോൽസവത്തിന്റെ ഭാഗമായുള്ള എഴുന്നള്ളിപ്പിനിടെയാണ് ആന ഇടഞ്ഞത്. ഇന്നലെ രാത്രി 11.30 ഓടെയാണ് സംഭവം. ആനപ്പുറത്തുണ്ടായിരുന്ന പൂജാരി അത്ഭുതകരമായാണ് രക്ഷപ്പെട്ടത്. എഴുന്നള്ളത്ത് കാണാൻ ഒട്ടേറെ ഭക്തരും പ്രദേശത്ത് തടിച്ചു കൂടിയിരുന്നു.
പരിഭ്രാന്തരായ ജനം ഓടിരക്ഷപ്പെട്ടു. അണ്ണപ്പുറത്ത് ഉണ്ടായിരുന്ന ക്ഷേത്ര പൂജാരി മരത്തിൽ തൂങ്ങി രക്ഷപെടാൻ ശ്രമിച്ചെങ്കിലും ആന കുടഞ്ഞു താഴേക്ക് വീഴ്ത്തുകയായിരുന്നു. തുടർന്ന് ഓടി രക്ഷപെട്ടതിനാൽ കാര്യമായ പരിക്കുകളില്ല. മണിക്കൂറുകളോളം പരിഭ്രാന്തി സൃഷ്ടിച്ച കൊമ്പനെ ഇന്ന് പുലർച്ചയോടെയാണ് തളച്ചത്.
എഴുന്നള്ളിപ്പിന് മൂന്ന് ആനകളാണ് ഉണ്ടായിരുന്നത്. ഇതിൽ ഒരു ആന, ഇടഞ്ഞ ആനയെ അക്രമിച്ചതാണ് സംഭവത്തിന് തുടക്കമിട്ടതെന്നാണ് വിവരം. ഇതിൽ പ്രകോപിതനായ ആന, പുറത്തുണ്ടായിരുന്ന പൂജാരിയെ വലിച്ചു താഴെയിടുകയായിരുന്നു. ഒരുമണിക്കൂറോളം പരിഭ്രാന്തി സൃഷ്ടിച്ച കൊമ്പനെ തൃശൂരിൽ നിന്നെത്തിയ എലിഫന്റ് സ്ക്വാഡ് ആണ് ഇന്ന് പുലർച്ചെ തളച്ചത്. തുടർന്ന് ആനയെ വേങ്ങേരിയിലെ ആനത്തറയിലേക്ക് മാറ്റി.
Most Read| കേരളത്തിൽ കൊവിഡ് കേസുകൾ ഉയരുന്നു; ഇന്നലെ മാത്രം 292 പേർക്ക് രോഗം