തിരുവനന്തപുരം: വ്യാജവാര്ത്തയുടെ പേരില് ചേര്ത്തല സ്വദേശിയായ ഓമനക്കുട്ടന് എത്ര വലിയ മാദ്ധ്യമ വിചാരണയാണ് നേരിടേണ്ടി വന്നതെന്ന് മുഖ്യമന്ത്രി പിണറായി വിജയന്. വ്യാജ വാര്ത്തകളെ സംബന്ധിച്ച് പ്രതികരിക്കുകയായിരുന്നു അദ്ദേഹം
ആ വാര്ത്തയുടെ യഥാര്ഥ സ്ഥിതി പിന്നീട് പുറത്തുകൊണ്ടുവന്നതും മാദ്ധ്യമങ്ങള് തന്നെയാണ്. സത്യം പുറത്തുവന്നപ്പോള് ഭൂരിപക്ഷം മാദ്ധ്യമങ്ങളും അത് തിരുത്തി. സാധാരണ ഗതിയില് ഇതിന് മുന്കൈ എടുത്തവര് അബദ്ധം തുറന്നുപറയുമല്ലോ. ചിലര് ആ നിലപാടെടുത്തു. പറയുക മാത്രമല്ല, അദ്ദേഹത്തോട് മാപ്പു പറയാനും തയ്യാറായി. എന്നാല് ഒരു കൂട്ടര് അവര് പറഞ്ഞിടത്ത് തന്നെ നിന്നു. അവരത് തിരുത്തിയില്ല. ഇതാണ് നാം കാണേണ്ടത്.
കോവിഡുമായി ബന്ധപ്പെട്ട വ്യാജ വാര്ത്തകള് ഈ ഘട്ടത്തില് വരുന്നത് ഗൗരവമായി കാണേണ്ടതുണ്ടെന്നും മുഖ്യമന്ത്രി പറഞ്ഞു.