റാമല്ല: വെസ്റ്റ് ബാങ്കിൽ ഇസ്രായേൽ സൈന്യം നാലു പലസ്തീൻ സ്വദേശികളെ വെടിവെച്ചു കൊന്നു. സൈന്യം നടത്തിയ റെയ്ഡിനിടെ ഏറ്റുമുട്ടൽ ഉണ്ടായെന്നും തുടർന്നാണ് പലസ്തീൻ സ്വദേശികൾ കൊല്ലപ്പെട്ടതെന്നും ഇസ്രയേൽ സൈനിക വക്താവ് അറിയിച്ചു. ഏറ്റുമുട്ടലിൽ രണ്ടു ഇസ്രയേൽ സൈനികർക്ക് പരിക്കേറ്റതായും റിപ്പോർട്ടുകൾ ഉണ്ട്.
കൊല്ലപ്പെട്ട മൂന്നു പേരുടെ മൃതദേഹങ്ങൾ ഇസ്രയേൽ സൈന്യത്തിന്റെ കസ്റ്റഡിയിലാണ്. നാലാമത്തെയാൾ ജനിനിലെ ആശുപത്രിയിൽ വച്ചാണ് മരണത്തിന് കീഴടങ്ങിയത്. കഴിഞ്ഞ മാസം ജനിൻ അഭയാർഥി ക്യാമ്പിൽ നടത്തിയ റെയ്ഡിൽ നാലു പലസ്തീനികളെ ഇസ്രായേൽ സൈന്യം കൊലപ്പെടുത്തിയിരുന്നു.
Read also: എസ്ബിഐക്ക് സമാനമായ നാല് ബാങ്കുകൾ കൂടി രാജ്യത്ത് വേണം; നിർമലാ സീതാരാമൻ