മൈസൂരു: കെഎസ്ആർടിസി സ്വിഫ്റ്റ് ബസ് അപകടത്തിൽ പെട്ടതിനെ തുടർന്ന് ഡ്രൈവർ ഉൾപ്പടെ 5 പേർക്ക് പരിക്ക്. മൈസൂരുവിന് സമീപത്താണ് അപകടം ഉണ്ടായത്. പരിക്കേറ്റ ആളുകളെ നിലവിൽ മൈസൂരുവിലെ ആശുപത്രിയിലേക്ക് മാറ്റി. ഇവരിൽ 2 പേർ സ്ത്രീകളാണ്.
നഞ്ചൻകോടിന് സമീപത്തായാണ് അപകടം ഉണ്ടായത്. ഡിവൈഡറിൽ തട്ടി ബസ് മറിയുകയായിരുന്നു. ആകെ 37 യാത്രക്കാരാണ് ബസിൽ ഉണ്ടായിരുന്നത്. ബെംഗളൂരുവിൽ പഠിക്കുന്ന വിദ്യാർഥികൾ ഉൾപ്പടെ യാത്രക്കാരായി ഉണ്ടായിരുന്നു. ഡ്രൈവർ ഉറങ്ങിപ്പോയതാകാം അപകട കാരണമെന്നാണ് പ്രാഥമിക നിഗമനം.
Read also: ശബരിമല; ഭക്ഷ്യസുരക്ഷാ പരിശോധനയിൽ ഗുരുതര വീഴ്ചയെന്ന് റിപ്പോർട്