ധാക്ക: ബംഗ്ളാദേശിലെ ഷിപ്പിംഗ് കണ്ടെയ്നർ ഡിപ്പോയിൽ വൻ തീപിടുത്തം. 35 പേർ വെന്തുമരിച്ചു. 450ഓളം പേർക്ക് പൊള്ളലേറ്റു. പലരുടെയും നില ഗുരുതരമാണെന്നാണ് വിവരം. മരണസംഖ്യ ഇനിയും ഉയർന്നേക്കാം. ചിറ്റഗോങ്ങിലെ സീതാകുണ്ഡിൽ ശനിയാഴ്ച രാത്രിയോടെ ആയിരുന്നു അപകടം.
ഡിപ്പോയിലുണ്ടായ രാസപ്രവർത്തനം മൂലമാണ് തീപിടുത്തം ഉണ്ടായതെന്നാണ് പ്രാഥമിക നിഗമനം. പൊട്ടിത്തെറിക്ക് പിന്നാലെ തീ സമീപ പ്രദേശങ്ങളിലേക്ക് പടരുകയായിരുന്നു. രാത്രി ഒൻപത് മണിയോടെ ആയിരുന്നു സംഭവം. അർധരാത്രിയോടെ വലിയ പൊട്ടിത്തെറി ഉണ്ടാവുകയും തീ അതിവേഗം വ്യാപിക്കുകയും ചെയ്തതാണ് ദുരന്തത്തിന് കാരണമായത്.
Most Read: ചെരുപ്പില്ലാതെ അഞ്ച് കിലോമീറ്റർ; കർഷക ഓടിക്കയറിയത് വിജയത്തിലേക്ക്