ബെംഗളൂരു: കള്ളപ്പണം വെളുപ്പിക്കൽ കേസിൽ ബിനീഷ് കോടിയേരിയുടെ ജാമ്യാപേക്ഷ ബെംഗളൂരു സെഷൻസ് കോടതി തള്ളി. എൻഫോഴ്‌സമെന്റ് ഡയറക്‌ടറേറ്റ് രജിസ്‌റ്റർ ചെയ്‌ത കേസ് നിലനിൽക്കില്ലെന്ന് ബിനീഷിന്റെ വാദം കോടതി അംഗീകരിച്ചില്ല. കേസിൽ ബിനീഷിന് ജാമ്യത്തിനായി ഇനി ഹൈക്കോടതിയെ സമീപിക്കേണ്ടി വരും.
നിലവില്‍ പരപ്പന അഗ്രഹാര ജയിലിലാണ് ബിനീഷ് കോടിയേരി ജുഡീഷ്യല്‍ കസ്‌റ്റഡിയിലുള്ളത്. ഇഡി അറസ്‌റ്റ് ചെയ്‌തത് നിയമ വിരുദ്ധമായാണ് എന്ന് ചൂണ്ടിക്കാട്ടി ബിനീഷിന്റെ അഭിഭാഷകൻ സമർപ്പിച്ച ഹരജി ഹൈക്കോടതിയുടെ പരിഗണയിലാണ്. ഈ ഹരജിയില്‍ ബിനീഷിന്റെ അഭിഭാഷകരുടെ വാദം കഴിഞ്ഞയാഴ്‌ച പൂർത്തിയായിരുന്നു. ഇഡിക്ക് വേണ്ടി അഡീഷണല്‍ സോളിസറ്റർ ജനറലാണ് കേസിൽ ഹാജരായത്.
Read Also: സിദ്ദീഖ് കാപ്പന്റെ അറസ്‌റ്റ്; യുപി പോലീസിന് മനുഷ്യാവകാശ കമ്മീഷന്റെ നോട്ടീസ്
