മലപ്പുറം: മഅ്ദിന് വിദ്യാർഥി ഹാഫിള് മിദ്ലാജിന് ദേശീയ ഖുർആൻ പാരായണ മൽസരത്തിൽ ഒന്നാം സ്ഥാനം. കിഴിശ്ശേരി മൂത്തേടത്ത് പാറക്കല് അബ്ദുറഊഫ്-ബുഷ്റ ദമ്പതികളുടെ മകനായ ഇദ്ദേഹം മഅ്ദിന് തഹ്ഫീളുല് ഖുര്ആന് കോളജിലെ പ്ളസ് ടു വിദ്യാർഥിയാണ്.
ഒഡീഷയിലെ കട്ടക്കിൽ നടന്ന എസ്എസ്എഫ് തർതീൽ നാഷണൽ ഹോളി ഖുർആൻ പ്രീമിയോ സീനിയർ ഖുർആൻ പാരായണ മൽസരത്തിലാണ് മിദ്ലാജ് വിജയകിരീടം ചൂടിയത്. ഡിവിഷന്, ജില്ല, സംസ്ഥാനം എന്നീ തലങ്ങളില് മൽസരിച്ച് ഒന്നാം സ്ഥാനം നേടിയാണ് ദേശീയ തലത്തില് മൽസരിക്കാൻ എംപി മിദ്ലാജിന് അവസരം ലഭിച്ചത്.
സാഹിത്യോൽസവ് സംസ്ഥാന തല ഹിഫ്ള് മൽസരത്തിലും ഉന്നത വിജയം നേടിയിട്ടുള്ള മിദ്ലാജിനെ, മഅ്ദിന് തഹ്ഫീളുൽ ഖുർആൻ കോളേജ് പ്രിൻസിപ്പൽ ഹാഫിള് ബഷീർ സഅദി വയനാട്, ഖാരിഅ് അസ്ലം സഖാഫി മൂന്നിയൂർ എന്നിവരാണ് പ്രധാനമായും ഖുർആൻ പഠനത്തിന് സഹായിച്ചത്.
മികച്ച നേട്ടം കൈവരിച്ച ഹാഫിള് മിദ്ലാജിനെ മഅ്ദിന് അക്കാദമി ചെയർമാൻ സയ്യിദ് ഇബ്റാഹീമുൽ ഖലീൽ ബുഖാരി ഉൾപ്പടെയുള്ള പ്രമുഖർ അഭിനന്ദിച്ചു.
Most Read: എന്തുകൊണ്ടാണ് ജയിലിൽ കഴിയേണ്ടി വന്നത്? മകന് ഉറക്കം പോലും നഷ്ടപ്പെട്ടുവെന്ന് ഷാരൂഖ്