പത്തനംതിട്ട: നിറപുത്തരി പൂജക്കും ചിങ്ങമാസം-ഓണം നാളുകളിലെ പൂജകള്ക്കുമായി തുറന്ന ശബരിമല നട ഇന്ന് അടയ്ക്കും. ചതയം ദിനമായ തിങ്കളാഴ്ച പുലര്ച്ചെ 5 മണിക്കാണ് ക്ഷേത്ര നട തുറന്നത്. തുടര്ന്ന് നിര്മാല്യ ദര്ശനവും പതിവ് അഭിഷേകവും നടന്നു. ഉഷപൂജ, നെയ്യഭിഷേകം, 25 കലശാഭിഷേകം, കളഭാഭിഷേകം, ഉച്ചപൂജ എന്നിവയും നടന്നു.
ചിങ്ങ മാസത്തിലെ പൂജകള് പൂര്ത്തിയാക്കി ക്ഷേത്രനട തിങ്കളാഴ്ച രാത്രി 9ന് ഹരിവരാസനം പാടി നട അടയ്ക്കും. സെപ്റ്റംബര് 16ന് വൈകുന്നേരം 5 മണിക്ക് കന്നിമാസ പൂജകള്ക്കായി നട തുറക്കും. പിന്നീട് സെപ്റ്റംബർ 21ന് ക്ഷേത്രനട അടയ്ക്കും. ചതയം ദിനത്തിലും ഭക്തര്ക്കായി ക്ഷേത്രത്തിൽ ഓണസദ്യ ഒരുക്കിയിരുന്നു. മാളികപ്പുറം മേല്ശാന്തിയുടെ വകയായിരുന്നു സദ്യ.
Read Also: ഭഗത് സിംഗിനെ അപമാനിച്ചുവെന്ന് യുവമോർച്ച; എംബി രാജേഷിനെതിരെ പരാതി